കരിപ്പൂർ വിമാനത്താവളത്തിന് സമീപം പോലീസിന്റെ ഇടിമുറി പ്രവർത്തിക്കുന്നതായി റിപ്പോർട്ട്. വിമാനത്താവളത്തിൽ നിന്ന് പുറത്തേക്ക് വരുന്ന യാത്രക്കാരെ നിയമവിരുദ്ധമായി പരിശോധിക്കുകയും മർദ്ദിക്കുകയും ചെയ്യുന്നതായാണ് ആരോപണം. സ്വർണ്ണക്കടത്ത് പിടികൂടാനെന്ന പേരിൽ വിമാനത്താവളത്തിന്റെ പുറത്തേക്കുള്ള വഴിയിൽ പൊലീസ് അനധികൃതമായി എയ്ഡ് പോസ്റ്റ് സ്ഥാപിച്ചിരിക്കുകയാണ്. സംശയം തോന്നുന്ന യാത്രക്കാരെ ഇവിടെ എത്തിച്ച് ഇരുമ്പ് ദണ്ഡുകൊണ്ട് മർദ്ദിക്കുന്നതായി പറയപ്പെടുന്നു.
മുൻ മലപ്പുറം എസ്പി സുജിത്ത് ദാസ് പ്രത്യേക സ്ക്വാഡിൽ നിയമിച്ച ഉദ്യോഗസ്ഥരാണ് ഇപ്പോഴും ഇടിമുറിയുടെ ചുമതലയിൽ ഉള്ളത്. ഇവർക്ക് മുഖ്യമന്ത്രിയുടെ പൊലീസ് മെഡൽ ലഭിക്കാൻ സുജിത്ത് ദാസ് തന്നെ ശുപാർശ ചെയ്തതായും റിപ്പോർട്ടുകളുണ്ട്. സിസിടിവി ക്യാമറകൾ പോലുമില്ലാത്ത ഈ എയ്ഡ് പോസ്റ്റിൽ കരിപ്പൂർ സ്റ്റേഷനിലെ പൊലീസുകാർക്ക് പോലും പ്രവേശനമില്ലെന്നാണ് അറിയുന്നത്.
നൂറിലധികം യാത്രക്കാരെ ഇതുവരെ ഈ ഇടിമുറിയിൽ മർദ്ദിച്ചതായി പറയപ്പെടുന്നു. മർദനത്തിൽ പരാതിയുമായി എത്തുന്നവരെ സ്പെഷ്യൽ ബ്രാഞ്ച് ഉദ്യോഗസ്ഥർ നേരിട്ട് കണ്ട് പരാതി ഇല്ലാതാക്കുന്നതായും ആരോപണമുണ്ട്. സിപിഐഎം നേതാക്കളെ പോലും മുമ്പ് മർദ്ദിച്ച കേസിൽ ആരോപണം നേരിടുന്നവരും ഈ പൊലീസ് സംഘത്തിൽ ഉണ്ടെന്നാണ് റിപ്പോർട്ട്. സുജിത്ത് ദാസിനെതിരായ അന്വേഷണം നടക്കുമ്പോൾ അദ്ദേഹം നിയോഗിച്ച ഈ പൊലീസുകാർക്കെതിരെയും അന്വേഷണം വേണമെന്ന ആവശ്യം ഉയരുന്നുണ്ട്.
Story Highlights: Police operate illegal interrogation room near Karipur Airport to catch gold smugglers
