Vegetable Vendor Murdered in Pathanamthitta Over Carrot Price Dispute

പത്തനംതിട്ട റാന്നിയിലെ പച്ചക്കറി വ്യാപാരിയായ അനിലിനെ രണ്ടംഗസംഘം വെട്ടിക്കൊന്ന സംഭവത്തിൽ പുതിയ വിവരങ്ങൾ പുറത്തുവന്നു. എഫ്ഐആർ പ്രകാരം, പ്രതികൾ എത്തിയത് കടയിലെ ജീവനക്കാരിയായ മഹാലക്ഷ്മിയെ ലക്ഷ്യം വെച്ചായിരുന്നു. കാരറ്റിന്റെ വിലയെ ചൊല്ലി ഉണ്ടായ തർക്കമാണ് കൊലപാതകത്തിലേക്ക് നയിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കാരറ്റിന് വില കൂടുതലാണെന്നും എടുത്തു കഴിക്കരുതെന്നും മഹാലക്ഷ്മി പറഞ്ഞതാണ് പ്രകോപനത്തിന് ഇടയാക്കിയത്. മദ്യപിച്ച് എത്തിയ രണ്ടംഗ സംഘം ആദ്യം മടങ്ങിപ്പോയെങ്കിലും പിന്നീട് വടിവാളുമായി തിരിച്ചെത്തി ആക്രമണം നടത്തി. മഹാലക്ഷ്മിയെ ആക്രമിക്കുന്നതിന് തടസ്സം നിന്നപ്പോഴാണ് കടയുടമ അനിലിനെ വെട്ടിയത്.

സംഭവത്തിൽ മഹാലക്ഷ്മിക്കും അവരുടെ ഭർത്താവിനും ഗുരുതര പരിക്കേറ്റു. റാന്നി സ്വദേശികളായ പ്രദീപ് എന്ന ഇടത്തനും കൊച്ചുമോനുമാണ് വടിവാൾ കൊണ്ട് ആക്രമണം നടത്തിയത്. പ്രതികളെ പോലീസ് അറസ്റ്റ് ചെയ്തു കഴിഞ്ഞു.

റാന്നി മർത്തോമ ആശുപത്രിക്ക് സമീപമുള്ള പച്ചക്കറി വ്യാപാരിയായ അനിൽ സംഭവ സ്ഥലത്ത് വെച്ച് തന്നെ മരിച്ചു. ഗുരുതര പരിക്കുകളോടെ മഹാലക്ഷ്മി കോട്ടയം മെഡിക്കൽ കോളേജിൽ ചികിത്സയിൽ കഴിയുകയാണ്.

ബിജെപി സംസ്ഥാന മീഡിയ ചുമതല അനൂപ് ആന്റണിക്ക്

Story Highlights: Vegetable vendor murdered in Pathanamthitta over carrot price dispute, two arrested

കോവിഡ് രോഗിയെ ആംബുലൻസിൽ പീഡിപ്പിച്ച കേസ്: പ്രതി കുറ്റക്കാരൻ