Vanchiyoor Air Gun Attack: Personal Vendetta Suspected, Probe Intensifies

വഞ്ചിയൂരിൽ നടന്ന എയർഗൺ ആക്രമണത്തിന്റെ കാരണം വ്യക്തിപരമായ വൈരാഗ്യമാണെന്ന് പ്രാഥമിക നിഗമനം. ഷിനി എന്ന യുവതിയുടെയോ കുടുംബത്തിന്റെയോ നേരെയുള്ള വൈരാഗ്യമാണ് ആക്രമണത്തിന് പിന്നിലെന്ന് കരുതുന്നു. ഷിനിയുടെ മൊഴി രേഖപ്പെടുത്തിയെങ്കിലും പ്രതിയെക്കുറിച്ചുള്ള നിർണായക വിവരങ്ങൾ ലഭിച്ചിട്ടില്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംഭവത്തിനുശേഷം അക്രമി ആറ്റിങ്ങൽ ഭാഗത്തേക്ക് കാറിൽ രക്ഷപ്പെട്ടതായി കണ്ടെത്തി. വ്യാജ നമ്പർ പ്ലേറ്റ് ഉപയോഗിച്ച് ദേശീയപാതയിലൂടെ സഞ്ചരിച്ച ദൃശ്യങ്ങൾ പൊലീസിന് ലഭിച്ചിട്ടുണ്ട്. അക്രമി ഉപയോഗിച്ച കാറിലെ നമ്പർ പ്ലേറ്റ് പറണ്ടോട് സ്വദേശിയുടെ സ്വിഫ്റ്റ് കാറിന്റേതാണെന്നും, ആ കാർ മാസങ്ങൾക്ക് മുമ്പ് കോഴിക്കോട്ടേക്ക് വിറ്റതാണെന്നും കണ്ടെത്തി.

സിസിടിവി ദൃശ്യങ്ങളുടെയും കുടുംബാംഗങ്ങളുടെ മൊഴികളുടെയും അടിസ്ഥാനത്തിൽ പ്രതിയെ കണ്ടെത്താനുള്ള അന്വേഷണം ഊർജിതമാക്കിയിരിക്കുകയാണ്. സംഭവം നടന്നത് ഇന്നലെ രാവിലെ എട്ടരയോടെയാണ്. കൊറിയർ നൽകാനെന്ന പേരിൽ എത്തിയ സ്ത്രീയാണ് വെടിയുതിർത്തതെന്നാണ് മൊഴി.

അമ്മയുടെ പുതിയ ഭരണസമിതിയുടെ ആദ്യ യോഗം നാളെ; പ്രധാന അജണ്ട ഭിന്നതകൾ അവസാനിപ്പിക്കൽ

ഷിനിയുടെ പേര് ചോദിച്ച് ഉറപ്പാക്കിയ ശേഷമാണ് അക്രമി വെടിയുതിർത്തത്. കൈവെള്ളയ്ക്ക് നിസാര പരിക്കേറ്റ ഷിനി സ്വകാര്യ ആശുപത്രിയിൽ ചികിത്സയിലാണ്. നാഷണൽ ഹെൽത്ത് മിഷൻ പിആർഒ ആയ ഷിനിക്കോ കുടുംബത്തിനോ ആക്രമണത്തിന്റെ കാരണം അറിയില്ലെന്നാണ് അവർ ആവർത്തിക്കുന്നത്.

സിറ്റി പൊലീസ് കമ്മീഷണർ അടക്കമുള്ളവർ സ്ഥലത്തെത്തി സാഹചര്യം വിലയിരുത്തി, തുടർന്ന് വിശദമായ അന്വേഷണം നടത്തുമെന്ന് അറിയിച്ചു.

കണ്ണൂരിൽ യുവതിയെ പെട്രോൾ ഒഴിച്ചു കൊലപ്പെടുത്തിയ സംഭവം: സുഹൃത്ത് അറസ്റ്റിൽ