Gangster's Son's Birthday Celebration: 8 Criminals Arrested in Varapuzha

വാരാപ്പുഴയിൽ ഗുണ്ടാ നേതാവിന്റെ മകന്റെ പിറന്നാൾ ആഘോഷത്തിനെത്തിയ എട്ട് ഗുണ്ടകളെ പൊലീസ് പിടികൂടി. മഞ്ഞുമ്മൽ സ്വദേശിയായ ഗുണ്ടാ പശ്ചാത്തലമുള്ള വ്യക്തിയുടെ മകന്റെ ജന്മദിനാഘോഷത്തിനാണ് ഇവർ എത്തിയത്. വധശ്രമക്കേസ് ഉൾപ്പെടെയുള്ള കേസുകളിൽ പ്രതികളായവരാണ് പിടിയിലായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

റൂറൽ എസ്പിയുടെ നേതൃത്വത്തിലുള്ള പ്രത്യേക സംഘമാണ് പ്രതികളെ പിടികൂടിയത്. വിവരമറിഞ്ഞ് സ്ഥലത്തെത്തിയ പൊലീസ് പരിശോധന നടത്തി പരിപാടി പിരിച്ചുവിട്ടു. തുടർന്ന് എട്ട് പേരെ കസ്റ്റഡിയിലെടുത്തു.

ഇത് ‘ആവേശം’ സിനിമയിലെ മോഡൽ പിറന്നാൾ ആഘോഷത്തെ ഓർമിപ്പിക്കുന്നതാണ്. സമാനമായ സംഭവം കഴിഞ്ഞ ദിവസം തൃശൂരിലും നടന്നിരുന്നു. തൃശൂരിലെ തെക്കേ ഗോപുരനടയിൽ മറ്റൊരു ഗുണ്ടാനേതാവിന്റെ ജന്മദിനം ആഘോഷിക്കാനെത്തിയ 32 പേരെ പൊലീസ് കസ്റ്റഡിയിലെടുത്തിരുന്നു.

ഈ സംഭവത്തിൽ പ്രായപൂർത്തിയാകാത്ത 16 കുട്ടികളും ഉൾപ്പെട്ടിരുന്നു. കുട്ടികളെ താക്കീത് നൽകി ബന്ധുക്കൾക്കൊപ്പം വിട്ടയച്ചു. ഇത്തരം സംഭവങ്ങൾ ആവർത്തിക്കുന്നത് നിയമപാലകർക്ക് വെല്ലുവിളിയാണ്.

കൊണ്ടോട്ടിയിൽ സ്കൂളുകളിൽ മിന്നൽ പരിശോധന; പ്രായപൂർത്തിയാകാത്ത കുട്ടികൾ ഓടിച്ച 20 ഇരുചക്രവാഹനങ്ങൾ പിടിച്ചെടുത്തു

കൂടരഞ്ഞി കൊലക്കേസ് പ്രതിയുടെ വെളിപ്പെടുത്തൽ; 1989-ൽ മറ്റൊരാളെ കൊലപ്പെടുത്തിയെന്ന് മൊഴി