MDMA trade busted at pharmacy in Nedumangad, owner's son arrested

നെടുമങ്ങാട് ജില്ലാ ആശുപത്രിക്ക് എതിർവശത്തുള്ള കുറക്കോട് വി. കെയർ ഫാർമസിയിൽ നിന്ന് എംഡിഎംഎ കച്ചവടം നടത്തിയതായി കണ്ടെത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സ്റ്റോർ ഉടമയുടെ മകൻ നെടുമങ്ങാട് സ്വദേശി ഷാനാസ് (34) നെ എക്സൈസ് സംഘം അറസ്റ്റ് ചെയ്തു. പരിശോധനയിൽ 11 പ്ലാസ്റ്റിക് പൗച്ചുകളിലായി സൂക്ഷിച്ചിരുന്ന എംഡിഎംഎ കണ്ടെത്തി.

ഇന്നലെ രാവിലെ ചെറിയ അളവിൽ എംഡിഎംഎയുമായി പിടിയിലായ ഒരാളെ ചോദ്യം ചെയ്തതിൽ നിന്നാണ് ഫാർമസി വഴി വിദ്യാർത്ഥികൾക്ക് ലഹരി മരുന്ന് കച്ചവടം നടക്കുന്നതായി എക്സൈസിന് വിവരം ലഭിച്ചത്. ഫാർമസിയുടെ മറവിൽ നടന്ന ഈ അനധികൃത കച്ചവടം വിദ്യാർത്ഥികളെ ലക്ഷ്യമിട്ടായിരുന്നു എന്നത് ഗൗരവമേറിയ കാര്യമാണ്.