മാന്നാറിലെ യുവതി തിരോധാന കേസിൽ നിർണായക വഴിത്തിരിവ് സൃഷ്ടിച്ചത് പൊലീസിന് ലഭിച്ച ഊമക്കത്താണ്. രണ്ടാഴ്ച മുമ്പ് ലഭിച്ച ഈ കത്തിലൂടെയാണ് കൊലപാതക വിവരം പുറത്തുവന്നത്. കസ്റ്റഡിയിലുള്ള വ്യക്തിയുടെ ഭാര്യയാണ് കത്തെഴുതിയതെന്ന് സൂചനയുണ്ട്. പൊലീസിന് രണ്ട് ഊമക്കത്തുകളാണ് ലഭിച്ചത്.
15 വർഷം മുമ്പ് കാണാതായ കലയെന്ന യുവതിയെ കൊലപ്പെടുത്തി സെപ്റ്റിക് ടാങ്കിൽ മറവുചെയ്തതായാണ് വിവരം. സെപ്റ്റിക് ടാങ്കിൽ നിന്ന് മൃതദേഹാവശിഷ്ടങ്ങൾ കണ്ടെത്തിയിട്ടുണ്ട്. കലയുടെ ഭർത്താവ് അനിൽ കുമാറിന്റെ ബന്ധുക്കളാണ് നിലവിൽ കസ്റ്റഡിയിലുള്ളത്. കലയെ തുണി കഴുത്തിൽ ചുറ്റി കൊലപ്പെടുത്തിയെന്നാണ് അവർ മൊഴി നൽകിയിരിക്കുന്നത്. കല കാണാതായതിന് രണ്ട് മാസത്തിനുശേഷം അനിൽ കുമാർ മറ്റൊരു വിവാഹം കഴിച്ചതായും വ്യക്തമായിട്ടുണ്ട്. നിലവിൽ ഇസ്രായേലിലുള്ള അനിൽ കുമാറിനെ ഉടൻ നാട്ടിലെത്തിക്കുമെന്നാണ് റിപ്പോർട്ട്.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
