അരൺമനൈ 4′-നേക്കാൾ വിറപ്പിക്കുമോ ‘കാഞ്ചന 4

കോറിയോഗ്രാഫർ, സംവിധായകൻ, അഭിനേതാവ് എന്നീ നിലകളിൽ ശ്രദ്ധേയനായ രാഘവ ലോറൻസിന്റെ വേറിട്ട കഥാപാത്രങ്ങളിലൊന്നാണ് കാഞ്ചന.

2011-ൽ പുറത്തിറങ്ങിയ ഈ കോമഡി-ഹൊറർ ചിത്രത്തിന്റെ വലിയ വിജയത്തിന്റ ഫലമായി, രണ്ടും മൂന്നും ഭാഗങ്ങളും പുറത്തിറങ്ങി.

കാഞ്ചനയുടെ ആദ്യ ഭാഗം പ്രേക്ഷകർക്കിടയിൽ വലിയ സ്വീകാര്യത നേടിയപ്പോൾ, ‘കാഞ്ചന 2’ 2015-ൽ റിലീസ് ചെയ്തു. ‘കാഞ്ചന 3’ 2019-ൽ എത്തി, പക്ഷേ മൂന്നാം ഭാഗം തിയേറ്ററിൽ പ്രതീക്ഷിച്ച വിജയം നേടാൻ കഴിയാതെ പോയി.

ഇപ്പോഴിതാ, കാഞ്ചന ഫ്രാഞ്ചൈസിൽ നാലാം ഭാഗം ഒരുങ്ങുകയാണ്. രാഘവ ലോറൻസാണ് തിരക്കഥയൊരുക്കി ചിത്രം സംവിധാനം ചെയ്യുന്നത്. ചിത്രത്തിന്റെ തിരക്കഥ പൂർത്തിയായെന്നും ചിത്രീകരണം സെപ്റ്റംബറിൽ ആരംഭിക്കാനുണ്ടെന്നുമാണ് നിർമ്മാതാക്കളുടെ അറിയിപ്പ്.

ചിത്രവുമായി ബന്ധപ്പെട്ട മറ്റ് വിവരങ്ങൾ ഇതുവരെ പുറത്തുവിട്ടിട്ടില്ല. എല്ലാ ഭാഗങ്ങളിലും നായികമാർ വ്യത്യസ്തമായതിനാൽ, നാലാം ഭാഗത്തിൽ നായിക ആരായിരിക്കുമെന്ന കാര്യത്തിൽ പ്രേക്ഷകർ ഏറെ ആകാംക്ഷയിലാണ്.

‘കാഞ്ചന’ സീരീസിന്റെ ആദ്യ ഭാഗത്തിൽ തപ്‌സി പന്നു, നിത്യ മേനോൻ എന്നിവർ പ്രധാന വേഷങ്ങളിൽ അഭിനയിച്ചു. ‘കാഞ്ചന 3’യിൽ ഓവിയ, വേദിക എന്നിവർ പ്രധാന താരങ്ങളായി എത്തി.

ഫ്രാഞ്ചൈസിന്റെ ആകർഷണീയതയും, രാഘവ ലോറൻസിന്റെ പ്രകടനവും പുതിയ ചിത്രത്തിനുള്ള പ്രതീക്ഷകൾ ഉയർത്തുന്നു.

‘ഞാൻ മനുഷ്യ ദൈവമല്ല, ഞാൻ നിങ്ങളുടെ സേവകൻ മാത്രം’

എന്നു രാഘവ ലോറൻസ് ആരാധകരോട് പറഞ്ഞു, ഇത് ആരാധകർക്കിടയിൽ ഏറെ ചർച്ചയായി.

കാഞ്ചന 4-ന്റെ പുതിയ അപ്ഡേറ്റുകൾക്കായി പ്രേക്ഷകർ ഉറ്റുനോക്കുകയാണ്. ഫ്രാഞ്ചൈസിൻറെ ഓരോ ഭാഗവും പ്രേക്ഷകർക്കിടയിൽ വലിയ സ്വീകാര്യത നേടിയതുകൊണ്ട്, ഈ പുതിയ ചിത്രത്തിൽ എന്ത് പ്രത്യേകതകളായിരിക്കും എന്നത് ഏറെ കാത്തിരിപ്പാണ്.