പോത്തന്‍കോട് കല്ലൂരില്‍ ബൈക്കിലെത്തിയ സംഘം യുവാവിനെ വെട്ടിക്കൊന്നു. സംഭവത്തിൽ കല്ലൂര്‍ സ്വദേശി സുധീഷ് (35) ആണ് കൊല്ലപ്പെട്ടത്.ബൈക്കിലും ഓട്ടോയിലുമായി എത്തിയ പന്ത്രണ്ടോളം പേര്‍ ഉൾപ്പെട്ട സംഘമാണ് യുവാവിനെ ആക്രമിച്ചത്.
ആക്രമിക്കാനെത്തിയ സംഘത്തെ കണ്ട് ഭയന്ന് ഓടി വീട്ടില്‍ കയറിയ സുധീഷിനെ വീട്ടിനകത്ത് വച്ച് ആക്രമിക്കുകയായിരുന്നു.സുധീഷിനെ വെട്ടികൊലപ്പെടുത്തിയ ശേഷം കാല്‍ വെട്ടിയെടുത്ത് ഇവർ ബൈക്കില്‍ കാല്‍ കൊണ്ടുപോയി റോഡിലേക്ക് വലിച്ചെറിയുകയായിരുന്നു.
മൂന്നംഗ സംഘം കാലുമായി ബെെക്കില്‍ സഞ്ചരിക്കുന്നതിന്റെ സിസിടിവി ദൃശ്യങ്ങള്‍ ഇപ്പോൾ സമൂഹ മാധ്യമങ്ങളിൽ പ്രചരിക്കുന്നുണ്ട്.ശരീരമാസകലം വെട്ടേറ്റ സുധീഷിനെ തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചെങ്കിലും മരണം സംഭവിച്ചിരുന്നു.
ആക്രമണത്തിന് പിന്നില്‍ ഗുണ്ടാ പകയാണെന്നാണ് നിഗമനം.കൊല്ലപ്പെട്ട സുധീഷ് നിരവധി ക്രിമിനൽ കേസുകളിലെ പ്രതിയാണ്.പ്രതികൾക്കായി അന്വേഷണം ഊർജിതമാക്കിയിരിക്കുകയാണെന്ന് പോത്തൻകോട് പൊലീസ് വ്യക്തമാക്കി.
Story highlight : Young man was hacked to death by goons attack.
