പാകിസ്ഥാന്‍ പഞ്ചാബ് പ്രവിശ്യയിലെ ഫൈസാബാദിൽ മോഷണക്കുറ്റം ആരോപിച്ച് നാല് യുവതികളെ നഗ്നയാക്കി നടത്തുകയും മര്‍ദ്ദിക്കുകയും ചെയ്തു. ഇവരെ ക്രൂരമായി മര്‍ദ്ദിക്കുന്നതിന്റെയും നഗ്നരാക്കി നടത്തിക്കുന്നതിന്റെയും ദൃശ്യങ്ങള്‍ സമൂഹമാധ്യമങ്ങളിൽ പ്രചരിച്ചിരുന്നു.
ഇരകളിൽ ഒരാൾ കൗമാര പ്രായക്കാരിയാണ്‌.ഒരുമണിക്കൂറോളം നഗ്നരാക്കി തെരുവിലൂടെ നടത്തിച്ച ശേഷമാണ് സ്ത്രീകളെ വിട്ടയച്ചത്. വസ്ത്രത്തിന് അപേക്ഷിച്ച് സ്ത്രീകള്‍ നിലവിളിച്ചുവെങ്കിലും ആരും സഹായിച്ചിരുന്നില്ല.സംഭവം പുറത്തറിഞ്ഞതോടെ അഞ്ച് പേരെ പൊലീസ് അറസ്റ്റ് ചെയ്തു.
സംഭവത്തിലെ പ്രധാന പ്രതികളെയാണ് അറസ്റ്റ് ചെയ്തതെന്നും മറ്റു പ്രതികളെ ഉടൻ പിടികൂടുമെന്നും പൊലീസ് വ്യക്തമാക്കി.തിങ്കളാഴ്ച രാവിലെ പത്തരയോടെയാണ് സംഭവം നടന്നത്.ബാവ ചക്ക് മാര്‍ക്കറ്റില്‍ മാലിന്യം ശേഖരിക്കാൻ നഗരത്തിൽ എത്തിയ സ്ത്രീകൾ ഒരുകടയില്‍ കയറി കുടിവെള്ളം ചോദിച്ചിരുന്നു.
എന്നാൽ മോഷ്ടിക്കാനെത്തിയവരാണെന്ന് ആരോപിച്ചു ഇവര്‍ തടഞ്ഞുവെക്കുകയും മറ്റ് കടകളിലെ ആളുകളെ വിളിച്ചുവരുത്തുകയും ആക്രമിക്കുകയും ചെയ്യുകയായിരുന്നുവെന്നാണ് സ്ത്രീകളുടെ മൊഴി.
Story highlight : Five arrested for stripping women naked on the streets at Pakistan.
