മതപരിവർത്തനം ആരോപിച്ച് മധ്യപ്രദേശിൽ ന്യൂനപക്ഷ വിഭാഗത്തിന്റെ സ്‌കൂളിന് നേരെ അക്രമണം.വിദിഷ ജില്ലയിലെ സെന്റ് ജോസഫ് സ്‌കൂളിന് നേരെയാണ് അക്രമണം.വിദ്യാർത്ഥികൾ പരീക്ഷ എഴുതുന്നതിനിടെ ആക്രമണം പൊട്ടിപുറപ്പെടുകയായിരുന്നു.
ബജ്രംഗ്ദൾ,വി എച്ച്പി പ്രവർത്തകരാണ്‌ അക്രമണത്തിനു പിന്നിൽ എന്നാണ് ആരോപണം.സംഭവത്തിൽ പോലീസ് കേസ് എടുത്തു.കലാപമുണ്ടാക്കാൻ ശ്രമിക്കൽ അടക്കമുള്ള വകുപ്പുകൾ ചുമത്തിയാണ്‌ പൊലീസ് കേസെടുത്തിരിക്കുന്നത്.
സ്കൂൾ അധികൃതർ എട്ട് വിദ്യാർഥികളെ മതംമാറ്റിയെന്ന് സാമൂഹിക മാധ്യമങ്ങളിൽ വാർത്ത പ്രചരിപ്പിച്ചതോടെയാണ് ആക്രമണം ഉണ്ടായത്.സംഭവത്തെ തുടർന്ന് പ്രദേശത്തെ മറ്റ് മിഷനറി സ്‌കൂളുകളിലും സുരക്ഷാ ക്രമീകരണങ്ങൾ നടപ്പിലാക്കിയിട്ടുണ്ട്.
ആരോപണ വിധേയമായ മതപരിവർത്തനത്തെക്കുറിച്ച് അന്വേഷണം ആരംഭിച്ചു.അക്രമത്തിന് ഉത്തരവാദികളായവർക്കെതിരെ ശക്തമായ നടപടി സ്വീകരിക്കുമെന്ന് പൊലീസ് വ്യക്തമാക്കി.
Story highlight : Attack against school in Madhya Pradesh.
