തിരുവല്ലം: 17 വയസ്സുകാരിയെ തട്ടിക്കൊണ്ടുപോയി തമിഴ്നാട്ടിലെ വിവിധ സ്ഥലങ്ങളിലെത്തിച്ച് പീഡിപ്പിച്ച കേസിലെ പ്രതിയെ തിരുവല്ലം പോലീസ് അറസ്റ്റ് ചെയ്തു.കോളിയൂർ കൈലിപ്പാറ കോളനി സ്വദേശി പ്രകാശാണ് (23) അറസ്റ്റിലായത്.
കഴിഞ്ഞ നവംബർ 12 ആം തീയതി കോളിയൂർ സ്വദേശിയായ പെൺകുട്ടിയെ കഴക്കൂട്ടത്ത് നിന്നും പ്രതി കടത്തിക്കൊണ്ടുപോകുകയും കട്ടപ്പനയിലെ കൂട്ടുകാരന്റെ വീട്ടിലെത്തിച്ച് പീഡിപ്പിക്കുകയുമായിരുന്നു.
തുടർന്ന് തമിഴ്നാട്ടിലെ തേനി, തിരുനെൽവേലി, നാഗർ കോവിൽ തുടങ്ങിയ സ്ഥലങ്ങളിലും എത്തിച്ച് പീഡിപ്പിച്ചതായി പെൺകുട്ടി പോലീസിന് മൊഴിനൽകി.
പ്രതിക്കെതിരെ മോഷണം, വധശ്രമം, കഞ്ചാവ് വിൽപ്പന തുടങ്ങിയവയുമായി ബന്ധപ്പെട്ട് കോവളം, വിഴിഞ്ഞം, പൂജപ്പുര, വലിയതുറ എന്നീ സ്റ്റേഷനുകളിൽ നിരവധി കേസുകളുണ്ട്. നാഗർകോവിലിൽ നിന്ന് തമിഴ്നാട്ടിലെ കലിംഗരാജപുരത്തേയ്ക്ക് പോകവെ പോലീസ് പ്രതിയെ പിൻതുടർന്ന് പിടികൂടുകയായിരുന്നു.
Story highlight : Man arrested for raping 17 year old girl.
