നടൻ കമൽഹാസനെതിരെ ആരോഗ്യവകുപ്പിന്റെ നോട്ടീസ്.ക്വാറന്റീൻ ലംഘിച്ചു എന്ന് ആരോപിച്ചാണ് കമൽഹാസനെതിരെ ആരോഗ്യവകുപ്പ് നോട്ടീസ് അയച്ചത്.
കഴിഞ്ഞ ദിവസമായിരുന്നു കമൽഹാസൻ കൊവിഡ് മുക്തി നേടിയത്.എന്നാൽ ഇതിനു പിന്നാലെ തന്നെ താരം ബിഗ് ബോസിന്റെ ചിത്രീകരണത്തിന് പോയിരുന്നു.ഇതിനെതിരെയാണ് തമിഴ്‌നാട് ആരോഗ്യവകുപ്പ് ക്വാറന്റീൻ ലംഘനത്തിനു നോട്ടീസ് അയച്ചത്.
‘കൊവിഡ് ബാധിതനായ ഒരാൾ സുഖപ്രദമായെങ്കിൽ പോലും ഏഴ് ദിവസം ക്വാറന്റീനിൽ ഇരിക്കണം. എന്നാൽ നടൻ കമൽഹാസൻ ബിഗ് ബോസ് ചിത്രീകരണത്തിന് പോവുകയായിരുന്നു. അദ്ദേഹത്തിന്റെ നടപടിയിൽ വിശദീകരണം ആവശ്യപ്പെട്ടാണ് ആരോഗ്യവകുപ്പിന്റെ നോട്ടീസ്’ – ഹെൽത്ത് സെക്രട്ടറി ഡോ ജെ രാധാകൃഷ്ണൻ വ്യക്തമാക്കി.
ലോകേഷ് കനകരാജ് സംവിധാനം ചെയ്യുന്ന പുതിയ ചിത്രമായ ‘വിക്ര’ത്തിലാണ് കമല്‍ഹാസന്‍ നിലവില്‍ അഭിനയിച്ചുകൊണ്ടിരിക്കുന്നത്.രാജ്കമല്‍ ഫിലിംസ് ഇന്റര്‍നാഷണലിന്റെ ബാനറില്‍ കമല്‍ഹാസന്‍ തന്നെയാണ് ചിത്രത്തിന്റെ നിര്‍മാണം.
Story highlights : Health department notice against actor Kamal Haasan for violating quarantine.
