‘മിർസാപൂർ’ എന്ന ഹിന്ദി വെബ്സീരിസിലൂടെ പ്രേക്ഷക മനസ്സിൽ ഇടം നേടിയ നടൻ ബ്രഹ്മ മിശ്രയ മരിച്ച നിലയിൽ കണ്ടെത്തി. മുംബൈയിലെ വെർസോവയിലെ ഫ്ലാറ്റിൽ നിന്നാണ് പകുതി ജീർണിച്ച നിലയിൽ നടന്റെ മൃതദേഹം കണ്ടെത്തിയത്.
നാല് വർഷത്തിലേറെയായി തന്റെ ഫ്ലാറ്റിൽ തനിച്ചായിരുന്നു നടന്റെ താമസം.മിശ്രയുടെ ഫ്ലാറ്റിൽ നിന്ന് ദുർഗന്ധം വന്നുതുടങ്ങിയതിനെ തുടർന്ന് സമീപവാസികൾ പോലീസിൽ വിവരമറിയിക്കുകയായിരുന്നു.
തുടർന്ന് ഫ്ലാറ്റിന്റെ വാതിൽ അകത്തു നിന്ന് പൂട്ടിയ നിലയിലായതിനാൽ പൂട്ട് തകർത്ത് അകത്തുകയറിയ പോലീസ് ശുചിമുറിയിലെ തറയില്‍ നടന്റെ മൃതദേഹം കണ്ടെത്തുകയായിരുന്നു.
മൃതദേഹത്തിന് രണ്ടു ദിവസത്തെ പഴക്കമുണ്ടെന്നാണ് പോലീസിന്റെ പ്രാഥമിക നിഗമനം.പോസ്റ്റ്‌മോർട്ടിത്തിനായി മൃതദേഹം മുംബൈ കൂപ്പർ ആശുപത്രിയിലേക്ക് മാറ്റി.
മിർസാപൂരിൽ ലളിത് എന്ന കഥാപാത്രത്തിലൂടെ പ്രേക്ഷക ശ്രദ്ധ നേടിയ താരം ഹസീൻ ദിൽറുബ (2021), കേസരി (2019), ചോർ ചോർ സൂപ്പർ ചോർ (2013) എന്നീ ചിത്രങ്ങളിലും തന്റെ അഭിനയമികവ് തെളിയിച്ചിട്ടുണ്ട്.
Story highlight : Actor Brahma Mishra found dead.
