സാക്ഷി പറഞ്ഞതിന്റെ പ്രതികാരം ; യുവാവിനെ കുത്തി പരിക്കേൽപ്പിച്ചു.

തിരുവനന്തപുരം : സാക്ഷി പറഞ്ഞതിന്റെ വൈരാഗ്യത്തിൽ യുവാവിന് നേരെ ആക്രമണം.സംഭവത്തിൽ കൂവകൂടി സ്വദേശി അരുൺ ആണ് അക്രമണത്തിനു ഇരയായത്.

നെടുമങ്ങാട് സ്വദേശികളായ ഹാജയും സുഹൃത്തുമാണ് സാക്ഷി പറഞ്ഞതിന്റെ പേരിൽ അരുണിനെ ആക്രമിച്ചത്. പ്രതികൾ ജോലി സ്ഥലത്തെത്തി അരുണിനെ കുത്തി പരിക്കേൽപ്പിക്കുകയായിരുന്നു.

നെടുമങ്ങാട് കെഎസ്ആർടിസി പരിസരത്ത് നടന്ന സംഘർഷവുമായി ബന്ധപ്പെട്ട് നാല് ദിവസം മുൻപാണ് അരുൺ സാക്ഷി പറഞ്ഞത്.ഇതിനു പ്രതികാരമായി അരുൺ ജോലി ചെയ്തിരുന്ന പൂക്കടയിലെത്തി അക്രമികൾ കുത്തി പരിക്കേൽപ്പിക്കുകയായിരുന്നു.

ഗുരുതരാവസ്ഥയിലായ അരുൺ മെഡിക്കൽ കോളേജ് ആശുപത്രിയിൽ ചികിത്സയിൽ കഴിയുകയാണ്.നെടുമങ്ങാട് പോലീസ് അക്രമികൾക്കെതിരെ കേസെടുത്ത് അന്വേഷണം ആരംഭിച്ചു.

Story highlight : The young man was stabbed and injured in Thiruvananthapuram.