കൊച്ചി വൈപ്പിനിൽ അമ്മയും മക്കളും മാത്രമുള്ള മൂന്നംഗ കുടുംബത്തിലെ രണ്ട് മക്കളെയും മരിച്ച നിലയിൽ കണ്ടെത്തി.
ഞാറയ്ക്കൽ സ്വദേശി ജോസ് (51), സഹോദരി ഞാറക്കല്‍ സെന്‍റ് മേരീസ് സ്‌കൂള്‍ അധ്യാപിക ജെസി (49) എന്നിവരെയാണ് മരിച്ച നിലയിൽ കണ്ടെത്തിയത്.
ഇവരുടെ അമ്മയായ റീത്ത (80) ഗുരുതരാവസ്ഥയിൽ ആശുപത്രിയിൽ ചികിത്സയിൽ കഴിയുകയാണ്.
മൂവരെയും കൈത്തണ്ട മുറിഞ്ഞ് രക്തം വാർന്ന നിലയിൽ വീടിനുള്ളിൽ കണ്ടെത്തുകയായിരുന്നു.
ജോസിന്‍റെയും ജെസിയുടേയും കഴുത്തുകളില്‍ ചരടുകൊണ്ടുള്ള കുരുക്കും ഉണ്ടായിരുന്നു.
രണ്ട് ദിവസമായി വീട്ടിൽ നിന്നും ആളനക്കം ഇല്ലാത്തതിനെ തുടർന്ന് പഞ്ചായത്തംഗം പോലീസിൽ വിവരമറിയിക്കുകയും ഇതിന്റെ അടിസ്ഥാനത്തിൽ പോലീസ് നടത്തിയ പരിശോധനയിലാണ് മൂവരുടെയും കൈത്തണ്ട മുറിഞ്ഞ് രക്തം വാർന്ന നിലയിൽ വീടിനുള്ളിൽ കണ്ടെത്തിയത്.
ഇതിൽ മക്കളായ രണ്ട്പേർ മരിച്ച നിലയും,അമ്മ ഗുരുതരാവസ്ഥയിലുമായിരുന്നു.മൃതദേഹങ്ങൾ ഇൻക്വസ്റ്റിന് ശേഷം പോസ്റ്റമോർട്ടത്തിനായി മാറ്റും.
മൂവരും മാനസികാസ്വസ്ഥ്യത്തിന് ചികിത്സ നടത്തിയിരുന്നതായി പൊലീസ് പറയുന്നു.
Story highlight : Two members of a family found dead and Mother is in critical condition.
