ട്രെയിൻ കടന്നുപോകവെ പാളത്തിൽ വീഡിയോയ്ക്ക് പോസ് ചെയ്തു ; യുവാവിന് ദാരുണാന്ത്യം.

ഭോപാൽ :  ട്രെയിൻ കടന്നുപോകവെ പാളത്തിനോടു ചേർന്നുനിന്ന് വീഡിയോയ്ക്ക് പോസ് ചെയ്ത യുവാവിന് ദാരുണാന്ത്യം.

പാളത്തിനടുത്തായി യുവാവിനെ കണ്ട ട്രെയിനിന്റെ ലോക്കോ പൈലറ്റ് പലവട്ടം ഹോൺ മുഴക്കിയിട്ടും യുവാവ് ഇത് ശ്രദ്ധിക്കാതെ പാളത്തിനോട് ചേർന്ന് തന്നെ നിൽക്കുകയായിരുന്നു.

തുടർന്ന് സമീപമെത്തിയ ട്രെയിൻ യുവാവിനെ ഇടിച്ചു തെറിപ്പിക്കുകയായിരുന്നു.

സുഹൃത്ത് പകർത്തിയിരുന്ന വിഡിയോയിലും ഈ ദൃശ്യങ്ങൾ വ്യക്തമാണ്.
മധ്യപ്രദേശിലെ ഹോഷൻഗാബാദ് ജില്ലയിലാണ് സംഭവം നടന്നത്.

22 വയസ്സുകാരനായ സൻജു ചൗരേ എന്ന യുവാവ് ആണ് മരിച്ചത്.സമൂഹമാധ്യമങ്ങളിൽ പ്രചരിപ്പിക്കുന്നതിനായാണ് ഇത്തരത്തിലുള്ള സാഹസികപ്രവർത്തിക്ക് മുതിർന്നത്.

ചരക്കുതീവണ്ടിക്ക് മുന്നിൽപെട്ടായിരുന്നു അപകടം സംഭവിച്ചത്.

Story highlight : Man posing for video dies after being hit by train in MadhyaPradesh.