മൂന്ന് മാസം പ്രായമുള്ള കുഞ്ഞുമായി അമ്മ കിണറ്റിൽ ചാടി ; കുഞ്ഞ് മരിച്ചു.

കൊല്ലം പത്തനാപുരത്ത് മൂന്ന് മാസം പ്രായമുള്ള കുഞ്ഞുമായി അമ്മ കിണറ്റിൽ ചാടി ആത്മഹത്യയ്ക്ക് ശ്രമിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംഭവംത്തിൽ കുഞ്ഞു മരണപ്പെട്ടു.അമ്മയെ അടൂർ താലൂക്ക് ആശുപത്രിയിൽ പ്രവേശിപ്പിച്ചിരിക്കയാണ്.

പട്ടാഴി സാംസി ഭവനിൽ ഷിബുവിന്റ ഭാര്യ സാംസിയാണ് കുഞ്ഞിനെയുംകൊണ്ട് കിണറ്റിൽ ചാടി ജീവനൊടുക്കാൻ ശ്രമിച്ചത്.

രാവിലെ പതിനൊന്ന് മണിയോടെയാണ് സംഭവം.കൊട്ടാരക്കരയിൽ സ്വകാര്യ ആശുപത്രിയിലെ നേഴ്സായ സാംസി,കുണ്ടറ സ്വദേശിയായ തന്റെ ഭർത്താവ് വിദേശത്ത് പോയതിന് ശേഷം സ്വന്തം വീട്ടിലായിരുന്നു താമസിച്ചിരുന്നത്.

വീട്ടിലുള്ളവർ പുറത്ത് പോയ സമയം കുഞ്ഞിനെ ശരീരത്തോട് ചേർത്ത് കെട്ടി വെച്ചശേഷം സാംസി കിണറ്റിൽ ചാടി ആത്മഹത്യ ചെയ്യാൻ ശ്രമിക്കുകയായിരുന്നു.

വീട്ടുകാർ തിരിച്ചെത്തിയ സമയത്ത് സാംസിയെയും കുഞ്ഞിനെയും കാണാത്തതിനാൽ സാംസിയുടെ അമ്മ നാട്ടുകാരെ വിവരം അറിയിക്കുകയും തുടർന്ന് നടത്തിയ തിരച്ചിലിനൊടുവിലാണ് യുവതിയെ കിണറ്റിൽ നിന്നും കണ്ടെത്തിയത്.

ഉടൻതന്നെ യുവതിയേയും കുഞ്ഞിനെയും ആശുപത്രിയിൽ എത്തിച്ചെങ്കിലും കുഞ്ഞ് മരണപ്പെട്ടിരുന്നു.യുവതി ആശുപത്രിയിൽ ചികിത്സയിൽ കഴിയുകയാണ്.

വീട്ടിലെ പ്രസവ മരണം: ആസൂത്രിത നരഹത്യയെന്ന് ആരോഗ്യമന്ത്രി

Story highlight : Mother tries to commit suicide with baby- baby dead.

ആറ് വയസുകാരന്റെ മരണം കൊലപാതകം; അയൽവാസി അറസ്റ്റിൽ