ബോളിവുഡ് താരം രാജ്കുമാർ റാവുവും നടി പത്രലേഖയും വിവാഹിതരായി.
ചണ്ഡീഗഡിൽ അടുത്ത സുഹൃത്തുക്കളും ബന്ധുക്കളും മാത്രം പങ്കെടുത്ത ലളിതമായ ചടങ്ങായിരുന്നു വിവാഹം.
ഇപ്പോഴിതാ വിവാഹ ഫോട്ടോസ് സോഷ്യൽ മീഡിയയിലൂടെ പങ്കുവച്ചിരിക്കുകയാണ് താരം.പതിനൊന്ന് വർഷത്തെ പ്രണയത്തിനും, സൗഹൃദത്തിനും ശേഷമാണ് തങ്ങളുടെ വിവാഹമെന്ന അടിക്കുറിപ്പോടെയാണ് രാജ്കുമാർ ഇൻസ്റ്റഗ്രാമിലൂടെ വിവാഹചിത്രങ്ങൾ പങ്കുവച്ചിരിക്കുന്നത്.
ലവ്, സെക്‌സ് ഓർ ദോഖ എന്ന ചിത്രത്തിലൂടെ സിനിമാ രംഗത്തെത്തിയ രാജ്കുമാർ റാവോ 2013 ൽ പുറത്തിറങ്ങിയ കായ് പോ ചെ എന്ന സിനിമയിലൂടെയാണ് പ്രേക്ഷകരുടെ മനസ്സ് കീഴടക്കിയത്.
രാജ്കുമാർ കേന്ദ്രകഥാപാത്രത്തെ അവതരിപ്പിച്ച ‘സിറ്റിലൈറ്റ്‌സ്’ എന്ന ചിത്രത്തിലൂടെയാണ് പത്രലേഖ ബോളിവുഡിൽ അരങ്ങേറ്റം കുറിച്ചത്.തുടർന്ന് ലൗ ഗെയിംസ്, ബദ്‌നാം, ഗലി, നാനു കി ജാനു എന്നീ ചിത്രങ്ങളിലും വേഷമിട്ടു.
Story highlight : Bollywood actor Rajkumar Rao and actress Patralekha got married.
