കോഴിക്കോട് നിർമ്മാണത്തിലിരുന്ന വീട് തകർന്നു വീണ് അപകടം.സംഭവത്തിൽ വീട്ടിനുള്ളിൽ കുടുങ്ങിയ 9 പേരെയും രക്ഷപെടുത്തിയതായാണ് വിവരം.
പെരുവയൽ പരിയങ്ങാട് അരുണിന്റെ നിർമ്മാണത്തിലിരുന്ന വീടാണ് തകർന്നത്.
ഫയർഫോഴ്‌സും പോലീസും നാട്ടുകാരും സംയുക്തമായായി നടത്തിയ മണിക്കൂറുകൾ നീണ്ട രക്ഷാപ്രവർത്തനത്തിനൊടുവിലാണ് കെട്ടിടത്തിനുള്ളിൽ അകപ്പെട്ട 9 പേരെയും പുറത്തെത്തിച്ചത്.
ഇന്ന് ഉച്ചയ്ക്ക് രണ്ട് മണിയോടെയാണ് വീട് ഇടിഞ്ഞ് വീണത്.വീടിന്റെ രണ്ടാം നിലയുടെ പണി നടന്നുകൊണ്ടിരിക്കവെ വീട് തകർന്ന് വീഴുകയായിരുന്നു.
വിവരം അറിഞ്ഞതോടെ കുന്ദമംഗലം, മുക്കം എന്നിവിടങ്ങളിൽ നിന്നുള്ള ഫയർഫോഴ്‌സ് സംഘം സ്ഥലത്തെത്തി രക്ഷാപ്രവർത്തനം ആരംഭിക്കുകയായിരുന്നു.
കോൺക്രീറ്റ് സ്ലാബുകൾ മുറിച്ചു മാറ്റിയാണ് കെട്ടിടത്തിൽ അകപ്പെട്ടവരെ പുറത്തെത്തിച്ചത്.
Story highlight : House collapses Accident in Kozhikode,9 people rescued.
