മഹാരാഷ്‌ട്രയിൽ സൈന്യവുമായുള്ള ഏറ്റുമുട്ടലിൽ എട്ട് കമ്യൂണിസ്റ്റ് ഭീകരർ കൊല്ലപ്പെട്ടു.
പന്ത്രണ്ടോളം കമ്യൂണിസ്റ്റ് ഭീകരർക്ക് പരിക്കേറ്റിട്ടുണ്ട്.ഇന്ന് രാവിലെ 6.30 മണിയോടെയായിരുന്നു ഏറ്റുമുട്ടൽ ആരംഭിച്ചത്.
മുംബൈയിൽ നിന്നും 920 കിലോ മീറ്റർ അകലെയുള്ള ഗഡ്ചിറോലി ജില്ലയിലെ കോട്ട്ഗുൽ-ഗ്യാരബട്ടി വനമേഖലയിലാണ് ഏറ്റുമുട്ടൽ ഉണ്ടായത്.
ഇവരുടെ കയ്യിൽ നിന്നും വൻ ആയുധശേഖരവും സ്‌ഫോടക വസ്തുക്കളും സുരക്ഷാ സേന കണ്ടെത്തി.
പരിശോധനയ്‌ക്ക് ഇറങ്ങിയ സൈന്യത്തിനു നേരെ ഭീകരർ വെടിയുതിർത്തതോടെ സംഘർഷം ഏറ്റുമുട്ടലിൽ കലാശിക്കുകയായിരുന്നു.
ഭീകരർ പിൻവാങ്ങുന്നതിനനുസരിച്ച് സൈന്യം ഉൾവനത്തിലേക്ക് തിരച്ചിൽ പുരോഗമിപ്പിക്കുകയാണ്.
നിലവിൽ തുടർന്നുകൊണ്ടിരിക്കുന്ന ഏറ്റുമുട്ടൽ അവസാനിച്ചാൽ മാത്രമേ കൊല്ലപ്പെട്ട ഭീകരരുടെ കൃത്യമായ വിവരങ്ങൾ ലഭിക്കുകയുള്ളുവെന്ന് പോലീസ് വ്യക്തമാക്കി.
Story highlight : Army kills eight communist terrorists in Encounter at Maharashtra.
