രാജസ്ഥാനിലെ ബാർമർ-ജോധ്പൂർ ഹൈവേയിൽ ബസും ടാങ്കർ ട്രെയിലറും കൂട്ടിയിടിച്ച് ഉണ്ടായ അപകടത്തിൽ ബസിന് തീപിടിച്ചതോടെ 12 യാത്രക്കാർ വെന്തുമരിച്ചു.
സ്വകാര്യ ബസാണ് കത്തിയമർന്നത്.ബസിൽ 25 യാത്രക്കാരാണ് ഉണ്ടായിരുന്നത്.ഇവരിൽ പത്ത് പേർ സംഭവസ്ഥലത്ത് വച്ചു തന്നെ മരണപ്പെടുകയായിരുന്നു.
അപകടത്തിൽ മരിച്ചവരുടെ കുടുംബത്തിന് ദുരിതാശ്വാസ ഫണ്ടിൽ നിന്നും ധനസഹായമായി രണ്ട് ലക്ഷം രൂപ നൽകുമെന്ന് പ്രധാനമന്ത്രി നരേന്ദ്രമോദി പ്രഖ്യാപിച്ചു.
പരിക്കേറ്റവരുടെ ചികിത്സാ ചെലവിനായി 50000 രൂപയും അനുവദിച്ചു.
ബലോത്രയിൽ നിന്ന് രാവിലെ 9.55 നു പുറപ്പെട്ട ബസ് യാത്രാമദ്ധ്യേ എതിർവശത്ത് നിന്ന് വന്നിരുന്ന ടാങ്കർ ട്രെയിലറുമായി കൂട്ടിയിടിക്കുകയായിരുന്നു.
ഉടൻ തന്നെ രക്ഷാപ്രവർത്തകർ സംഭവസ്ഥലത്തെത്തുകയും പത്ത് പേരുടെ മൃതദേഹങ്ങൾ പുറത്തെടുത്തു.
പൊള്ളലും ഗുരുതര പരിക്കുകളുമായി പുറത്തെടുത്തവരെ ആശുപത്രിയിൽ പ്രവേശിപ്പിക്കുകയും ചെയ്തു.
അപകടത്തെ തുടർന്ന് ഹൈവേയിൽ വൻ ഗതാഗത തടസ്സം നേരിട്ടു.
Story highlight : 12 death in bus accident at Rajasthan.
