സിംഘു അതിർത്തിക്ക് സമീപം കർഷകനെ തൂങ്ങി മരിച്ച നിലയിൽ കണ്ടെത്തി ; അന്വേഷണം ആരംഭിച്ചു.

ന്യൂഡൽഹി: ഡൽഹിക്ക് സമീപമുള്ള സിംഘു അതിർത്തിയിൽ കർഷകൻ തൂങ്ങി മരിച്ച നിലയിൽ.

പഞ്ചാബ് ഫത്തേഗഡ് സാഹിബിലെ അംറോഹ് സ്വദേശിയായ ഗുർപ്രീത് സിംഗ് എന്ന ആളാണ്‌ മരണപ്പെട്ടത്.

സിദ്ധുപ്പൂരിലെ ഭാരതീയ കിസാൻ യൂണിയനുമായി ബന്ധപ്പെട്ട് പ്രവർത്തിച്ചിരുന്ന ഇയാൾ മുൻപ് കാർഷിക നിയമങ്ങൾക്കെതിരായ സമരത്തിൽ പങ്കെടുത്തിരുന്നു.
മൃതദേഹം പോസ്റ്റ്‌മോർട്ടത്തിന് അയച്ചതായി പോലീസ് അറിയിച്ചു.

മരണം ആത്മഹത്യയാണോ എന്നത് ഇതുവരെയും സ്ഥിരീകരിച്ചിട്ടില്ല.മരണകാരണത്തെ കുറിച്ച് കൂടുതൽ വിവരങ്ങൾ പുറത്ത് വന്നിട്ടില്ല.

കഴിഞ്ഞ മാസവും ഒരു കർഷക തൊഴിലാളിയുടെ മൃതദേഹം സിംഗു അതിർത്തിയിലെ ബാരിക്കേഡിൽ കൈകളും കാലുകളും വെട്ടി വികൃതമാക്കി കെട്ടിത്തൂക്കിയ നിലയിൽ കണ്ടെത്തിയിരുന്നു.ഈ സംഭവവുമായി ബന്ധപ്പെട്ട് നാല് പേരെ പോലീസ് അറസ്റ്റ് ചെയ്തിരുന്നു.

Story highlight : The farmer was found dead near the Singhu border.