ജമ്മു കശ്മീരിൽ വീണ്ടും സുരക്ഷാ സേനയ്ക്ക് നേരെ ഭീകരാക്രമണം.
ശ്രീനഗറിലെ എസ്‌കെഐഎംഎസ് മെഡിക്കൽ കോളേജ് ആശുപത്രിയ്‌ക്ക് മുൻപിൽ വിന്യസിച്ചിരുന്ന സുരക്ഷാ സേനക്ക നേരെയാണ് ആക്രമണമുണ്ടായത്.ഉച്ചയോടെയായിരുന്നു സംഭവം.
വാഹനത്തിൽ എത്തിയ ഭീകരരുടെ സംഘം ആശുപത്രിയ്‌ക്ക് മുൻപിൽ സുരക്ഷയൊരുക്കിയിരുന്ന സേനാംഗങ്ങൾക്ക് നേരെ വെടിയുതിർക്കുകയും തുടർന്ന് കടന്നുകളയുകയുമായിരുന്നു.
ആക്രമണത്തിൽ ആളപായമൊന്നും തന്നെ ഉണ്ടായിട്ടില്ല.ഭീകരാക്രമണത്തെ തുടർന്ന് ആശുപത്രിയ്‌ക്കുള്ളിലും പരിസരത്തും രക്ഷാപ്രവർത്തനങ്ങൾ ഊർജിതമാക്കിയിട്ടുണ്ട്.
ആശുപത്രിയുടെ പരിസരത്ത് അതീവ ജാഗ്രതാ നിർദ്ദേശം നൽകിയിട്ടുണ്ട്.സംഭവത്തിൽ പോലീസ് അന്വേഷണം ആരംഭിച്ചതായി അറിയിച്ചു.
കഴിഞ്ഞ മാസം ശ്രീനഗർ അടക്കമുള്ള പ്രധാന നഗരങ്ങലിലുണ്ടായ ഭീകരാക്രമണങ്ങളിൽ പത്തിലധികം പേരാണ് കൊല്ലപ്പെട്ടത്.
ഇതിന് പിന്നാലെ നൽകിയ ശക്തമായ താക്കീതിനെ തുടർന്ന് ഭീകരർ ആക്രമണം അവസാനിപ്പിച്ചിരുന്നു.
എന്നാൽ ഒരിടവേളയ്‌ക്ക് ശേഷം ജമ്മു കശ്മീരിൽ വീണ്ടും ഭീകരാക്രമണം ഉണ്ടായിരിക്കുകയാണ്.
Story highlight : Terrorist attack again in Jammu Kashmir.
