കുവൈത്തില്‍ മയക്കുമരുന്ന് കടത്തുന്നതിനിടെ രണ്ട് പ്രവാസികളെ പോലീസ് പിടികൂടി.
ഇവരില്‍ നിന്ന് 20 കിലോഗ്രാം ക്രിസ്റ്റല്‍ മെത്ത് പിടിച്ചെടുത്തു.കുവൈത്തിന്റെ സമുദ്രാതിര്‍ത്തിയില്‍ അനധികൃതമായി പ്രവേശിച്ച റഡാറില്‍ ബോട്ട് പിന്തുടര്‍ന്ന് നടത്തിയ അന്വേഷണത്തിലാണ് നേവല്‍ പട്രോള്‍ സംഘം മയക്കുമരുന്ന് കണ്ടെത്തിയത്.
ബോട്ടിലുണ്ടായിരുന്ന രണ്ട് പ്രവാസികളെയും അറസ്റ്റ് ചെയ്‍ത് സുരക്ഷാ സേന ബോട്ട് കസ്റ്റഡിയിലെടുക്കുകയായിരുന്നു.
വിശദമായി നടത്തിയ പരിശോധനയില്‍ ഒരു പ്ലാസ്റ്റിക് ക്യാനിൽ ഒളിപ്പിച്ച നിലയിൽ 20 കിലോഗ്രാം ക്രിസ്റ്റല്‍ മെത്ത് ആണ് ഇവരിൽ നിന്നും പിടിച്ചെടുത്തത്.
അറസ്റ്റിലായ ഇരുവരെയും തുടര്‍ നടപടികള്‍ക്കായി ബന്ധപ്പെട്ട അധികൃതര്‍ക്ക് കൈമാറിയിട്ടുണ്ടെന്നും ഇവര്‍ക്കെതിരായ നിയമ നടപടികള്‍ പുരോഗമിക്കുകയാണെന്നും പോലീസ് അറിയിച്ചു.
Story highlight : 2 arrested in Drug smuggling case at Kuwait
