കെട്ടിട നിര്‍മ്മാണ മേഖല കേന്ദ്രീകരിച്ച് മൊബൈൽ മോഷണം നടത്തിവരുന്ന യുവാക്കള്‍ പിടിയിലായി.
രണ്ടര ലക്ഷം രൂപ വില വരുന്ന മൊബൈല്‍ ഫോണുകളുമായി കോഴിക്കോട് സ്വദേശികളായ ഷിഹാബ്, അനസ് എന്നിവരാണ് തിരുവനന്തപുരം പാങ്ങോട് പൊലീസിന്റെ പിടിയിലായത്.
കഴിഞ്ഞ കുറേ ദിവസങ്ങളായി കല്ലറ തെങ്ങുംകോട് ഭാഗങ്ങളില്‍ നിന്നും നിര്‍മ്മാണ പ്രവര്‍ത്തനങ്ങള്‍ നടക്കുന്ന സ്ഥലങ്ങളിലെ തൊഴിലാളികളുടെ മൊബൈല്‍ ഫോണുകള്‍ മോഷണം പോകുന്നതായി പോലീസിനു നിരന്തരം പരാതികൾ ലഭിച്ചിരുന്നു.
ഇത് സംബന്ധിച്ച് നടത്തിയ അന്വേഷണത്തിലാണ് കോഴിക്കോട് സ്വദേശികളായ ഷിഹാബ്, അനസ് എന്നിവരെ പോലീസ് പിടികൂടിയത്.തുടർന്ന് ഇവരുടെ വാഹനം പരിശോധിച്ചപ്പോഴാണ് ലക്ഷങ്ങള്‍ വിലയുള്ള ഫോണുകള്‍ പോലീസ് കണ്ടെത്തിയത്.
എന്‍ട്രി ലെവല്‍ ഫോണുകളിൽ തുടങ്ങി സ്മാര്‍ട്ട്ഫോണുകള്‍ വരെ ഇവര്‍ മോഷ്ടിച്ചിരുന്നു.
പ്രതികളെ നെടുമങ്ങാട് കോടതിയില്‍ ഹാജറാക്കിയ ശേഷം റിമാന്‍റ് ചെയ്തു.
Story highlight : 2 youths arrested for mobile theft.
