കൊച്ചി : മിസ് കേരള 2019 അൻസി കബീർ, മിസ് കേരള 2019 റണ്ണറപ്പ് ഡോ.അൻജന ഷാജൻ എന്നിവർ വാഹനാപകടത്തിൽ മരിച്ചു.
ഇന്ന് പുലര്‍ച്ചെ ഒരുമണിയോടെയായിരുന്നു അപകടം സംഭവിച്ചത്.
സംഭവ സ്ഥലത്തുവച്ചു തന്നെ ഇരുവരും മരണപ്പെടുകയായിരുന്നു.
ഇവർ സഞ്ചരിച്ചിരുന്ന കാർ എറണാകുളം ബൈപ്പാസ് റോഡിൽ ഹോളിഡേ ഇൻ ഹോട്ടലിനു മുന്നിൽ വച്ച്‌ അപകടത്തിൽപെടുകയായിരുന്നു.
ബൈക്കുമായി കൂട്ടിയിടിക്കാതിരിക്കാൻ ഇവർ സഞ്ചരിച്ചിരുന്ന കാർ പെട്ടെന്നു വെട്ടിച്ചതാണ് അപകടമുണ്ടാകാൻ കാരണമായതെന്ന് പൊലീസ് പറയുന്നു.
അൻസി കബീർ തിരുവനന്തപുരം ആറ്റിങ്ങൽ ആലങ്കോട് സ്വദേശിനിയും അൻജന ഷാജൻ തൃശൂർ സ്വദേശിനിയുമാണ്.ഇവർ സഞ്ചരിച്ചിരുന്ന വാഹനത്തിൽ നാലുപേരാണ് ഉണ്ടായിരുന്നത്.
ഒപ്പമുണ്ടായിരുന്ന രണ്ടുപേരിൽ ഒരാളുടെ ആരോഗ്യനില ഗുരുതരമാണ്.ഇവരെ എറണാകുളം മെഡിക്കൽ സെന്ററിൽ പ്രവേശിപ്പിച്ചിരിക്കയാണ്.
മരണപ്പെട്ട അൻസി കബീർ,അൻജന ഷാജൻ എന്നിവരുടെ മൃതദേഹങ്ങളും ഇവിടെ സൂക്ഷിച്ചിട്ടുണ്ട്.
Story highlight : Former Miss Kerala and Runner Up Died in an Accident At Kochi.
