ജമ്മു കശ്മീരില്‍ ഒരു ഭീകരനെ കൂടി സുരക്ഷാ സേന വധിച്ചതായി കശ്മീര്‍ സോണ്‍ പൊലീസ് അറിയിച്ചു.
ശ്രീനഗറില്‍ നിന്ന് 50 കിലോമീറ്റര്‍ അകലെയുള്ള ബരാമുള്ള ജില്ലയില്‍ വെച്ചാണ് ജാവേദ് അവാനി എന്ന് പേരുള്ള ഭീകരനെ സൈന്യം വധിച്ചത്.
ജില്ലയിലെ ഒരു വ്യാപാരിയെ കൊലപ്പെടുത്താനുള്ള യാത്രായ്ക്കിടെയായിരുന്നു ഇയാൾ. എന്നാൽ അതിനിടെ ഇയാളെ സൈന്യം വധിക്കുകയായിരുന്നു.
അടുത്തിടെ ബീഹാറില്‍ നിന്നും കശ്മീരിലെത്തിയ രണ്ട് തൊഴിലാളികളെ കൊലപ്പെടുത്തിയ സംഭവത്തില്‍ ഇയാൾക്ക് പങ്കുള്ളതായും പൊലീസ് അറിയിച്ചു.
ഒക്ടോബര്‍ 17 ആം തീയതിയാണ് കുല്‍ഗാം ജില്ലയില്‍ വെച്ച് ബീഹാറില്‍ നിന്നെത്തിയ രണ്ട് തൊഴിലാളികളെ ഭീകരര്‍ വെടിവെച്ച് കൊന്നത്.
അന്ന് ആക്രമണം നടത്തിയ ഗുല്‍സാര്‍ എന്ന ഭീകരന്റെ സഹായിയായിരുന്നു ജാവേദ്. ഗുല്‍സാറിനെ ഒക്ടോബര്‍ 20 ന് സൈന്യം വധിച്ചിരുന്നു.
Story highlight :Security forces kill a terrorist in Jammu and Kashmir
