ദില്ലിയിലെ ഓള്‍ഡ് സീമാപുരിയിലെ വീടിന് തീപിടിച്ച സംഭവത്തിൽ കുടുംബത്തിലെ നാല് പേര്‍ മരിച്ചു.
ചൊവ്വാഴ്ച പുലര്‍ച്ചെ നാല് മണിയോടെയായിരുന്നു സംഭവം.ഉടന്‍ തന്നെ ഫയര്‍ഫോഴ്‌സ് സംഭവ സ്ഥലത്തെത്തി തീയണച്ചെങ്കിലും വീട്ടിലുള്ളവരെ രക്ഷപെടുത്താനായില്ല.
ഹരിലാല്‍(58), ഭാര്യ റീന(55), മകന്‍ ആശു(24), മകള്‍ രോഹിണി(18) എന്നിവരാണ് മരണപ്പെട്ടത്.
മൂന്ന് നില കെട്ടിടത്തിന്റെ മൂന്നാമത്തെ ഫ്‌ലോറില്‍ നിന്നുമാണ് നാല് മൃതദേഹങ്ങളും കണ്ടെത്തിയത്.നാല് പേരും ശ്വാസം മുട്ടിയാണ് മരിച്ചതെന്നാണ് റിപ്പോർട്ട്‌.
ഹരിലാലിന്റെ 22 കാരനായ മറ്റൊരു മകന്‍ അക്ഷയ് രക്ഷപ്പെട്ടിട്ടുണ്ട്.ഇയാള്‍ രണ്ടാം നിലയിലായിരുന്നു ഉറങ്ങിയിരുന്നത്.എന്നാൽ മറ്റുള്ളവരെല്ലാം തീപിടുത്തമുണ്ടായ മൂന്നാം നിലയിലായിരുന്നു ഉണ്ടായിരുന്നത്.
സര്‍ക്കാര്‍ ജീവനക്കാരനായ ഹരിലാല്‍ അടുത്ത വര്‍ഷം മാര്‍ച്ചില്‍ ജോലിയിൽ നിന്ന് വിരമിക്കാനിരിക്കെയാണ് മരണപ്പെട്ടത്.
കൊതുകിനെ കൊല്ലാനുള്ള മൊസ്‌കിറ്റോ കോയിലിൽ നിന്നും തീപിടിച്ചതാണ് അപകടമുണ്ടാകാൻ കാരണമായതെന്നാണ് പിലീസിന്റെ പ്രാഥമിക നിഗമനം.
സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചു.
Story highlight : 4 Members Of Family Killed In House Fire accident.
