നടൻ പൃഥ്വിരാജിന്റെയും ആന്റണി പെരുമ്പാവൂരിന്റെയും ചിത്രങ്ങൾ വിലക്കണമെന്ന് ആവശ്യപ്പെട്ട് തീയറ്റർ ഉടമകൾ രംഗത്ത്.
പൃഥ്വിരാജിനെയും ആന്റണി പെരുമ്പാവൂരിനെയും ഒ.ടി.ടി യിലേക്ക് സിനിമ നൽകുന്നതുമായി ബന്ധപ്പെട്ട് വിലക്കണമെന്നും അങ്ങനെയുള്ളവരുടെ സിനിമകൾ തീയേറ്ററിൽ പ്രദർശിപ്പിക്കേണ്ട എന്ന ആവശ്യവുമാണ് തിയറ്ററുടമകൾ മുന്നോട്ടുവയ്ക്കുന്നത്.
ഇതുമായി ബന്ധപ്പെട്ട് നടത്തിയ യോഗത്തിൽ ഇവർക്കെതിരെ നടപടി സ്വീകരിക്കണമെന്ന ആവശ്യം ശക്തമായതോടെയാണ് വോട്ടെടുപ്പ് നടത്തണമെന്ന നിലയിലേക്ക് എത്തിയിരിക്കുന്നത്.
അഭിപ്രായം രഹസ്യ വോട്ടെടുപ്പിലൂടെ രേഖപ്പെടുത്തണമെന്നും ഇതുവഴി എത്രപേർ തിയറ്റർ ഉടമകളുടെ ആവശ്യത്തെ പിന്തുണയ്ക്കുന്നുണ്ടെന്നു വിലയിരുത്താമെന്നുമാണ് യോഗത്തിന്റെ അന്തിമ തീരുമാനം.
വോട്ടെടുപ്പ് ഫലത്തിന്റെ അടിസ്ഥാനത്തിലായിരിക്കും മേൽനടപടികൾ സ്വീകരിക്കുക.
തീയേറ്ററുകൾ തുറക്കാനിരിക്കെ മരയ്ക്കാർ ഉൾപ്പെടെയുള്ള സിനിമകൾ ഒറ്റിറ്റി റിലീസിലേക്ക് പോയാൽ തിയറ്റർ ഉടമകൾക്ക് വലിയ നഷ്ടം നേരിടേണ്ടിവരുമെന്ന സാഹചര്യത്തിലാണ് ഇങ്ങനെയൊരു തീരുമാനം.
Story highlight : Voting against Actor Prithviraj and Antony Perumbavoor.
