കുവൈത്തില്‍ പ്രവാസികളെ കൊള്ളയടിച്ച രണ്ട് സൗദി സഹോദരങ്ങൾ അറസ്റ്റിൽ.
ക്രിമിനല്‍ ഇന്‍വെസ്റ്റിഗേഷന്‍ ഡിപ്പാര്‍ട്ട്‌മെന്റ് ഉദ്യോഗസ്ഥരാണ് ഇവരെ പിടികൂടിയത്.
പലചരക്ക് സാധനങ്ങള്‍ ലക്ഷ്യമിട്ടായിരുന്നു ഇവരുടെ കവർച്ച.ഒരാള്‍ മുനിസിപ്പല്‍ ഉദ്യോഗസ്ഥനായും മറ്റൊരാള്‍ മുതിര്‍ന്ന പൊലീസ് ഉദ്യോഗസ്ഥനായും ചമഞ്ഞുകൊണ്ടാണ് പ്രതികൾ കവര്‍ച്ച നടത്തിയിരുന്നത്.
ഇത്തരത്തില്‍ പല സ്ഥലങ്ങളിലും രണ്ട് സഹോദരങ്ങള്‍ ഉള്‍പ്പെടുന്ന സംഘം 10 ദിവസത്തിലേറെയായി കവർച്ച നടത്തി വരുന്നതായി ഉദ്യോഗസ്ഥർ പറയുന്നു.
ക്രിമിനല്‍ ഇന്‍വെസ്റ്റിഗേഷന്‍ വിഭാഗത്തിന് പ്രതികളെ കുറിച്ച് വിവരം ലഭിക്കുകകയും തുടര്‍ന്ന് നടത്തിയ അന്വേഷണത്തിൽ കവര്‍ച്ചയ്ക്കിടെ രണ്ട് സഹോദരങ്ങളെയും ഉദ്യോഗസ്ഥർ പിടികൂടുകയുമായിരുന്നു.
പലചരക്ക് സാധനങ്ങള്‍ മോഷ്ടിച്ചതായും ഇതിനു പുറമേ ഏഴ് മോഷണങ്ങൾ നടത്തിയിട്ടുണ്ടെന്നും പിടിയിലായ പ്രതികള്‍ പോലീസിനു മൊഴി നൽകി.
ഇവര്‍ നടത്തിയിട്ടുള്ള കൂടുതല്‍ കുറ്റകൃത്യങ്ങൾ കണ്ടെത്തുന്നതിനായി അന്വേഷണം തുടരുകയാണെന്ന് ഉദ്യോഗസ്ഥർ പറഞ്ഞു.
Story highlight : Saudi brothers arrested for robbing expatriates.
