കടക്കെണി ; കർഷകൻ ആത്മഹത്യ ചെയ്തു.

വയനാട് വടുവൻചാലിൽ കർഷകൻ ആത്മഹത്യ ചെയ്തു.വടുവൻചാൽ ആപ്പാളം വീട്ടിയോട് സ്വദേശി ഗോപാലൻ ചെട്ടിയാണ് (70) മരിച്ചത്.

വാഴക്കൃഷി നശിച്ചതിനെത്തുടർന്നുണ്ടായ കടബാധ്യത മൂലമാണ് ഗോപാലൻ ആത്മഹത്യ ചെയ്തതെന്നാണ് ബന്ധുക്കൾ പറയുന്നത്.

ഇദ്ദേഹത്തിന്റെ മകനും മൂന്നുവർഷംമുമ്പ് കടബാധ്യത മൂലം ആത്മഹത്യ ചെയ്തിരുന്നു.

എന്നാൽ, ഗോപാലൻ ചെട്ടിയുടെ മരണം കടബാധ്യത മൂലമാണെന്ന കാര്യം സ്ഥലത്തെ വാർഡ് മെമ്പറും പോലീസും സ്ഥിരീകരിച്ചിട്ടില്ല.

കർഷക ആത്മഹത്യയാണോയെന്ന് ഇപ്പോൾ സ്ഥിരീകരിക്കാൻ കഴിയില്ല എന്നാണ് പോലീസിന്റെ നിലപാട്.

Story highlight : Farmer committed suicide in Wayanad.