ജമ്മുകശ്‍മീരിലെ ഷോപ്പിയാനിൽ ഉണ്ടായ ഏറ്റുമുട്ടലിൽ രണ്ട് ഭീകരരെ സൈന്യം വധിച്ചു.
കൊല്ലപ്പെട്ടവരിൽ ഒരാളുടെ പേര് ആദിൽ വാനി എന്നാണെന്ന് തിരിച്ചറിയാൻ കഴിഞ്ഞിട്ടുണ്ട്.
ജമ്മു കശ്മീരിലെ ഷോപ്പിയാൻ, അനന്ത്നാഗ്, പുൽവാമ എന്നി മൂന്നിടങ്ങളിൽ ഏറ്റുമുട്ടൽ ഇപ്പോഴും തുടരുകയാണ്.
ഇവിടങ്ങളിൽ ഭീകരവാദികളുടെ സാന്നിധ്യമുണ്ടെന്ന വിവരത്തിൻ്റെ അടിസ്ഥാനത്തിൽ സൈന്യം തിരച്ചിൽ നടത്തുകയായിരുന്നു.
എന്നാൽ ഷോപ്പിയാനിൽ സൈന്യം നടത്തിയ തിരച്ചിലിൽ ഭീകരവാദികൾ സൈന്യത്തിനുനേരെ വെടിയുതിർക്കുകയായിരുന്നു.
സേനാവിഭാഗങ്ങളും സിആർപിഎഫും പൊലീസുമുൾപ്പെട്ട സംയുക്തസേനയാണ് തിരച്ചിൽ നടത്തിയത്.ഇപ്പോഴും തിരച്ചിൽ പുരോഗമിക്കുകയാണ്.
ഭീകരരുമായി ആകെ പതിനൊന്ന് ഏറ്റുമുട്ടലുകളാണ് കഴിഞ്ഞ ഏതാനും ദിവസങ്ങളിലായി ഉണ്ടായത്. രണ്ടാഴ്ചയ്ക്കിടെ പതിനഞ്ച് ഭീകരരെ സൈന്യം വധിച്ചു.
Story highlight : Troops killed two terrorists in encounter at Jammu Kashmir.
