തിരുവനന്തപുരം : തമ്പാനൂർ കെഎസ്ആർടിസി ബസ് ടെർമിനൽ കെട്ടിടത്തിൽ വാടകയ്ക്ക് നൽകിയിരിക്കുന്ന അഞ്ചാം നിലയിലാണ് തീപിടിത്തമുണ്ടായത്.
ഇവിടെ ആർടിഒ ഓഫീസാണ് പ്രവർത്തിച്ചിരുന്നത്.ഓഫിസിനോട് ചേർന്ന് കൂട്ടിയിട്ട പേപ്പറിലും മാലിന്യത്തിലുമായി തീപിടിക്കുകയായിരുന്നു.
ഇത്തരം സാഹചര്യങ്ങളിൽ രക്ഷപ്പെടുന്നതിനായുള്ള ഫയർ എക്സിറ്റ് പൂട്ടിയിട്ട നിലയിലായിരുന്നതിനാൽ തീ അണയ്ക്കാനെത്തിയ അഗ്നിശമന സേനാ ഉദ്യോഗസ്ഥർക്ക് ബുദ്ധിമുട്ട് നേരിടേണ്ടി വന്നു.
അവസാനം ഡോർ തകർത്തുകൊണ്ടാണ് സംഘം അകത്തേക്ക് പ്രവേശിച്ചത്.തീയുടെ ഉറവിടം കണ്ടെത്തുന്നതിനായി ഫയർഫോഴ്സിന് 10 മിനിറ്റോളം വേണ്ടിവന്നു.
മൂന്ന് വാതിലുകൾ തകർത്താണ് അകത്ത് കയറി തീ കെടുത്തിയത്.അഞ്ചാം നിലയിൽനിന്നും പുക പൂർണമായും പുറത്തേക്ക് പോയിട്ടില്ല.
ആളപായമൊന്നും സംഭവിക്കാത്തതിനാൽ ഇപ്പോഴത്തെ സ്ഥിതി നിയന്ത്രണവിധേയമാണ്.
Story highlight : Fire accident in Thambanoor KSRTC bus terminal complex.
