പട്ടികജാതി വികസന വകുപ്പിന്റെ നിയന്ത്രണത്തിൻ കീഴിലുള്ള തിരുവനന്തപുരം മണ്ണന്തലയിലെ ഗവ. പ്രീ-എക്‌സാമിനേഷൻ ട്രെയിനിംഗ് സെന്ററിൽ പി.എസ്.സി. ഡിഗ്രിതല മത്സരപരീക്ഷകൾക്കായി സൗജന്യ പരിശീലനം നൽകുന്നു.
ആറു മാസം ദൈർഘ്യമുള്ള ഈ സൗജന്യ പരിശീലന ക്ലാസിൽ പങ്കെടുക്കുന്നതിന് ബിരുദം അടിസ്ഥാന യോഗ്യതയുള്ള തിരുവനന്തപുരം, കൊല്ലം, പത്തനംതിട്ട എന്നീ ജില്ലകളിലെ ഉദ്യോഗാർഥികൾക്ക് അപേക്ഷിക്കാം.
നവംബർ 8 മുതലാണ് ക്ലാസ് ആരംഭിക്കുക.പട്ടികജാതി/പട്ടികവർഗക്കാർക്കും വാർഷിക വരുമാനം ഒരു ലക്ഷം രൂപവരെയുള്ള മറ്റു പിന്നാക്ക വിഭാഗക്കാർക്കും അപേക്ഷ സമർപ്പിക്കാവുന്നതാണ്.
പട്ടികജാതി/പട്ടികവർഗക്കാർക്ക് സർക്കാർ ഉത്തരവിന്റെ അടിസ്ഥാനത്തിൽ സ്റ്റൈപന്റ് ലഭിക്കുന്നതാണ്.
ക്ലാസിൽ പങ്കെടുക്കാൻ താൽപര്യമുള്ള ഉദ്യോഗാർഥികൾ ജാതി, വരുമാനം, വിദ്യാഭ്യാസ യോഗ്യത എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പുകളും ഒരു ഫോട്ടോയും സഹിതം ഗവ. പ്രീ-എക്‌സാമിനേഷൻ ട്രെയിനിംഗ് സെന്ററിൽ 30ആം തീയതിക്ക് മുൻപായി അപേക്ഷിക്കുക.
ഓഫീസിൽവച്ചു നടക്കുന്ന അഭിമുഖത്തിൽ പങ്കുചേരുക.അപേക്ഷാഫോം ഓഫീസിൽ നിന്നും ലഭിക്കുന്നതാണ്.
Story highlight : Free PSC training at Government Pre-Examination Training Center.
