കൊല്ലത്ത് 8 വയസ്സുകാരിയെ പീഡിപ്പിച്ച കോട്ടുകൽ സ്വദേശി മണിരാജൻ (60) അറസ്റ്റിൽ.
കൊല്ലം കടയ്ക്കൽ വയലയിലാണ് സംഭവം.കുട്ടിയുടെ അമ്മ ജോലിക്ക് പോയ സമയം കുട്ടിയും സഹോദരനായ 13കാരനും മാത്രമായിരുന്നു വീട്ടിലുണ്ടായിരുന്നത്.
ഈ സമയത്ത് അവിടെയെത്തിയ പ്രതി മിഠായി വാങ്ങിനൽകാമെന്ന വ്യാജേന കുട്ടിയെ തൊട്ടടുത്ത് നിർമാണം നടക്കുന്ന കെട്ടിടത്തിലേക്ക് കൂട്ടിക്കൊണ്ട് പോയി പീഡിപ്പിക്കുകയായിരുന്നു.
കുട്ടിയുടെ നിലവിളി കേട്ട് ഓടിയെത്തിയ സഹോദരൻ ബഹളം വച്ച് നാട്ടുകാരെ വിവരമറിയിച്ചു.
എന്നാൽ പ്രതി ഓടി രക്ഷപെടുകയായിരുന്നു.ഉടൻ തന്നെ കുട്ടിയെ ആശുപത്രിയിൽ എത്തിക്കുകയും പൊലീസിൽ പരാതി നൽകുകയും ചെയ്തു.
പൊലീസ് സ്ഥലത്തെത്തി അന്വേഷണം നടത്തി പ്രതിയെ പിടികൂടി.
പോക്സോ അടക്കമുള്ള വകുപ്പുകൾ ചുമത്തിയാണ് ഇയാൾക്കെതിരെ കേസെടുത്തിരിക്കുന്നത്.ഇയാളെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
കുട്ടിയെ കടയ്ക്കൽ താലൂക്ക് ആശുപത്രിയിലാണ് പ്രവേശിപ്പിച്ചിരിക്കുന്നത്.
Story highlight : 60 year old man arrested for raping 8 year old girl.
