ഭാര്യയുടെ ദേഹത്ത് പെട്രോൾ ഒഴിച്ച് തീകൊളുത്തി കൊല്ലാൻ ശ്രമിച്ച കേസിൽ ഭർത്താവായ കുമ്പള പൊട്ടേരിയിലെ അഭിലാഷ് എന്ന ഹബീബിനെ(26) ശനിയാഴ്ച മഞ്ചേശ്വരം അട്ടഗോളിയിൽവെച്ച് കാസർകോട് വനിതാപോലീസ് പിടികൂടി.
മൊഗ്രാൽപുത്തൂരിലെ യുവതിയുടെ വാടകവീട്ടിലെത്തിയ ഹബീബ് യുവതിയെ ഉപദ്രവിക്കാൻ ശ്രമിക്കുകയായിരുന്നു. യുവതി പോലീസിൽ വിവരമറിയിച്ചതോടെ പട്രോളിങ് ഡ്യൂട്ടിയിലുണ്ടായിരുന്ന പോലീസ് വീട്ടിലെത്തുകയും യുവതിയെ അവിടെ നിന്നും മാറ്റുന്നതിനിടെ മതിലിന് സമീപം മറഞ്ഞിരുന്ന ഹബീബ് പെട്രോൾ ഒഴിക്കുകയുമായിരുന്നു.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
തീകൊളുത്താൻ ശ്രമിച്ചെങ്കിലും പോലീസിന്റെ ഇടപെടൽ മൂലം അപകടങ്ങൾ ഒന്നുംതന്നെ ഉണ്ടായില്ല. ഹബീബിനെ പോലീസ് പിടികൂടാൻ ശ്രമിച്ചെങ്കിലും ഇയാൾ ഓടിരക്ഷപ്പെടുകയായിരുന്നു. ശേഷം ഒളിവിൽ കഴിയുന്നതിനിടെയാണ് ഇയാളെ പിടികൂടിയത്.
Story highlight : Young man arrested for trying to kill his wife.
