ചെന്നൈ : പ്രണയം തുടരാൻ വിസമ്മതിച്ചതിനെ തുടർന്ന് കോളജ് വിദ്യാർഥിനിയെ കുത്തിക്കൊലപ്പെടുത്തിയതിനു ശേഷം യുവാവ് ആത്മഹത്യയ്ക്ക് ശ്രമിച്ചു. ആൾക്കൂട്ടം നോക്കിനിൽക്കെ ചെന്നൈ താംബരം റെയിൽവേ സ്റ്റേഷന്റെ മുഖ്യകവാടത്തിനു മുന്നിൽ ഇന്നലെ ഉച്ചയ്ക്കു 3 മണിയോടെയായിരുന്നു സംഭവം.
ക്രിസ്ത്യൻ കോളജ് വിദ്യാർഥിനിയായ ശ്വേത (20) യുടെ കഴുത്തിലും കയ്യിലുമായി രാമചന്ദ്രൻ (21) കുത്തേൽപ്പിക്കുകയായിരുന്നു. തുടർന്ന് കഴുത്തറുത്ത് ആത്മഹത്യയ്ക്ക് ശ്രമിച്ച ഇയാളെ പോലീസ് ആശുപത്രിയിൽ പ്രവേശിപ്പിച്ചു.
ലാബ് ടെക്നോളജി ഡിപ്ലോമ വിദ്യാർഥിനിയായ ശ്വേത കോളജിൽ നിന്നും മടങ്ങവെയാണ് രാമചന്ദ്രൻ തടഞ്ഞുനിർത്തിയത്. രണ്ടുവർഷത്തോളമായി ഇരുവരും പ്രണയത്തിലായിരുന്നുവെന്നും മാസങ്ങൾക്ക് മുൻപ് പെൺകുട്ടി അടുപ്പം അവസാനിപ്പിച്ചതോടെ രാമചന്ദ്രൻ പകരം വീട്ടാൻ നടക്കുകയായിരുന്നുവെന്നും പോലീസ് വ്യക്തമാക്കി.
Story highlight : College student stabbed to death in chennai.
