കുസൃതി കാട്ടിയ കുഞ്ഞിനെ കൊലപ്പെടുത്തി; അമ്മൂമ്മ അറസ്റ്റില്.

ഒരുവയസ്സുകാരന്റെ കൊലപാതകം അമ്മൂമ്മ അറസ്റ്റില്

കോയമ്പത്തൂർ ആർ.എസ്. പുരത്ത് പേരക്കുട്ടിയുടെ കുസൃതി കൂടിയതോടെ മർദിക്കുകയും വായിൽ ബിസ്കറ്റ് കവർ തിരുകി ശ്വാസംമുട്ടിച്ച് കൊലപ്പെടുത്തുകയും ചെയ്ത സംഭവത്തിൽ കുട്ടിയുടെ അമ്മൂമ്മ നാഗലക്ഷ്മിയെ (55) പോലീസ് അറസ്റ്റുചെയ്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഭർത്താവുമായി പിണങ്ങി തന്റെ അമ്മയ്ക്കൊപ്പം കഴിഞ്ഞിരുന്ന നന്ദിനിയുടെ രണ്ടാമത്തെ മകനായ ഒരുവയസ്സുകാരൻ ദുർഗേഷാണ് കൊല്ലപ്പെട്ടത്. ജോലികഴിഞ്ഞെത്തിയ നന്ദിനി കുട്ടി തൊട്ടിലിൽ ഉറങ്ങുന്നത് കണ്ടിരുന്നു. എന്നാൽ രാത്രിയായിട്ടും കുട്ടി എഴുന്നേൽക്കാത്തതിനെത്തുടർന്ന് നോക്കിയപ്പോഴാണ് അനക്കമറ്റ നിലയിൽ കുട്ടിയെ കണ്ടെത്തിയത്. ഉടൻതന്നെ ആശുപത്രിയിൽ എത്തിച്ചെങ്കിലും കുട്ടി മരിച്ചിരുന്നു.

ആശുപത്രി അധികൃതർ പോലീസിൽ വിവരമറിയിച്ചതിനെത്തുടർന്ന് പോലീസ് നടത്തിയ മൃതദേഹ പരിശോധനയിലാണ് കുട്ടിയുടെ കൈകാലുകൾ അടക്കമുള്ള ഭാഗങ്ങളിൽ മർദിച്ചതിന്റെ പാടുകൾ കണ്ടെത്താനായത്. പോലീസ് ചോദ്യം ചെയ്യലിൽ തന്റെ അമ്മയാണ് കുട്ടിയെ നോക്കുന്നതെന്ന് നന്ദിനി പറഞ്ഞു. തുടർന്ന് നാഗലക്ഷ്മിയെ തനിച്ചിരുത്തി ചോദ്യം ചെയ്തപ്പോൾ ഇവർ കുറ്റസമ്മതം നടത്തുകയായിരുന്നു.

താഴെവീണുകിടക്കുന്ന എല്ലാ സാധനങ്ങളും കുട്ടിക്ക് വായിലിടുന്ന ശീലമുണ്ടായിരുന്നു. ഇത്തരത്തിൽ ബുധനാഴ്ച ഉച്ചയ്ക്ക് കുട്ടി വായിലെന്തോ ഇട്ടതോടെ അസ്വസ്ഥയായ നാഗലക്ഷ്മി ദേഷ്യത്തോടെ ബിസ്കറ്റ് കവർ കുട്ടിയുടെ വായിൽ തിരുകുകയായിരുന്നു. തുടർന്ന് കുട്ടിയെ തൊട്ടിലിൽ ഉറങ്ങാൻ കിടത്തിയതിനു ശേഷം ഇവർ മറ്റുജോലികളിലേർപ്പെട്ടു. വായിൽ കുടുങ്ങിയ പേപ്പർ കുട്ടി ശ്വാസംമുട്ടി മരിക്കുന്നതിന് ഇടയാക്കിയെന്നാണ് പോസ്റ്റുമോർട്ടം റിപ്പോർട്ട്.

ആലുവ കൊലക്കേസ് പ്രതിക്ക് ജയിലിൽ മർദ്ദനം; സഹതടവുകാരനെതിരെ കേസ്

Story highlight : One year old boy killed by Grand mother in Tamilnadu.

ആലുവ കൊലക്കേസ് പ്രതിക്ക് ജയിലിൽ മർദ്ദനം; സഹതടവുകാരനെതിരെ കേസ്