ചൈനയിൽ ‘നാര്‍കോട്ടിക് ഫുഡ്’ വിവാദമായിക്കൊണ്ടിരിക്കുകയാണ്. ചൈനയിലെ റസ്‌റ്റോറന്റ് ഉടമകൾ ഭക്ഷണ പദാർത്ഥങ്ങളിൽ മയക്കുമരുന്ന് കലര്‍ത്തി ഉപഭോക്താക്കളെ മയക്കുമരുന്നിന് അടിമകൾ ആക്കുന്നു.
കിഴക്കന്‍ ചൈനയിലെ ജിയാങ്‌സു പ്രവിശ്യയിലാണ് ഇത്തരമൊരു സംഭവം അവസാനമായി റിപ്പോര്‍ട്ട് ചെയ്തത്. ഭക്ഷണത്തില്‍ എന്തോ ലഹരിയുണ്ടെന്ന് ഒരുപഭോക്താവിന്റെ പരാതിയെ തുടർന്ന് കഴിഞ്ഞ ദിവസം ഇവിടുത്തെ ഒരു റസ്‌റ്റോറന്റ് പൊലീസ് അടച്ചു പൂട്ടിയിരുന്നു.
തുടർന്ന് പൊലീസും ആരോഗ്യ വകുപ്പും നടത്തിയ പരിശോധനയിൽ ഇവിടത്തെ നൂഡില്‍സില്‍ കറുപ്പ് (ഓപ്പിയം) ഉണ്ടാക്കാന്‍ ഉപയോഗിക്കുന്ന അവീന്‍ ഷെല്ലുകള്‍ അരച്ചുചേര്‍ക്കുന്നതായി കണ്ടെത്തി. അതിനോടൊപ്പം വന്‍തോതില്‍ ഓപ്പിയം പൊടിയും കണ്ടെത്തിയിരുന്നു.
സംഭവവുമായി ബന്ധപ്പെട്ട് പോലീസ് റസ്‌റ്റോന്റ് അടച്ചു പൂട്ടുകയും കടയുടമയെ അറസ്റ്റ് ചെയ്യുകയും ചെയ്തു. ചൈനീസ് നിയമപ്രകാരം അഞ്ചു വര്‍ഷം വരെ ജയില്‍ ശിക്ഷ വിധിച്ചേക്കാവുന്ന കുറ്റമാണിത്. ഹോട്ടലുടമയ്ക്ക് ഓപ്പിയം എവിടെന്നിന്നുമാണ് ലഭിക്കുന്നതെന്ന് അന്വേഷണം നടത്തി വരികയാണ്.
Story highlight : Restaurant owner arrested for selling Drugged noodles in China.
