മേതിൽ ദേവികയുടെ ഫേസ്ബുക്ക് പേജ് ഹാക്ക് ചെയ്യപ്പെട്ടു.

പ്രശസ്ത നർത്തകി മേതിൽ ദേവികയുടെ ഫേസ്ബുക്ക് പേജ് ഹാക്ക് ചെയ്യപ്പെട്ടു. മേതിൽ ദേവിക തന്റെ  ഫേസ്ബുക്കിലൂടെയാണ് ഇക്കാര്യം ആരാധകരെ അറിയിച്ചത്.

 തന്റെ പേജിൽ ഉണ്ടായിരുന്ന വീഡിയോകൾ കാണാനില്ലെന്നും താനറിയാതെ ലൈവ് പോകുകയാണെന്നും മേതിൽ ദേവിക പറഞ്ഞു. ഫോളോവേഴ്സിന് മറ്റ് സന്ദേശങ്ങൾ വന്നാൽ അറിയിക്കണമെന്നും മേതിൽ ദേവിക ആവശ്യപ്പെട്ടു. ഡിലീറ്റ് ചെയ്യപ്പെട്ട വീഡിയോകൾ വീണ്ടെടുക്കാനുള്ള ശ്രമത്തിലാണെന്നും ഫേസ്ബുക്ക് പേജ് ഇപ്പോഴും ഹാക്ക് ചെയ്യപ്പെട്ട നിലയിൽ ആണെന്നും അവർ അറിയിച്ചു.

ഫേസ്ബുക്കിൽ 26,000ത്തിലധികം ഫോളോവേഴ്സുള്ള വ്യക്തിയാണ് മേതിൽ ദേവിക. നടൻ അനൂപ് മേനോന്റെ ഫേസ്ബുക്ക് പേജും അടുത്തിടെ ഇത്തരത്തിൽ ഹാക്ക് ചെയ്യപ്പെട്ടിരുന്നു. ഏറെ പരിശ്രമങ്ങൾക്ക് ഒടുവിലാണ് നടന്റെ ഫേസ്ബുക്ക് പേജ് വീണ്ടെടുത്തത്.

Story Highlights: Methil Devika’s Facebook account hacked.