കെപിസിസി പ്രസിഡന്റ് കെ സുധാകരനെതിരെ രൂക്ഷ വിമർശനങ്ങളുമായി വീണ്ടും കെ പി അനിൽകുമാർ. പയ്യാമ്പലം ബീച്ച് ഇന്ദിരാഗാന്ധിയുടെ ചിതാഭസ്മം നിമഞ്ജനം ചെയ്തതോടെ മലിനമായെന്ന് പറഞ്ഞയാളാണ് കെപിസിസി പ്രസിഡന്റ് കെ.സുധാകരനെന്ന് കെ പി അനിൽകുമാർ പറഞ്ഞു.
കെപി അനിൽകുമാറിന് കോഴിക്കോട് ഡിസിസി പ്രസിഡന്റ് സ്ഥാനം ലഭിക്കാത്തതിലെ നിരാശയാണെന്നും പ്രസിഡന്റാക്കണമെന്ന് ആവശ്യപ്പെട്ടിരുന്നതായും കെ സുധാകരൻ പറഞ്ഞു.
സിപിഐഎമ്മിൽ എത്തിയ കെ പി അനിൽ കുമാറിനെ കോഴിക്കോട് സിപിഐഎം ജില്ലാ സെക്രട്ടറി പി മോഹനൻ ചുവന്ന ഷാൾ അണിയിച്ച് സ്വീകരിച്ചു.
കോൺഗ്രസ് വിട്ടു ഇന്നലെയാണ് കെ പി അനിൽകുമാർ സിപിഐഎമ്മിൽ ചേർന്നത്. എകെജി സെന്ററിലെത്തി കോടിയേരി ബാലകൃഷ്ണനുമായി അദ്ദേഹം ചർച്ച നടത്തിയിരുന്നു.
സംശുദ്ധമായ രാഷ്ട്രീയപ്രവർത്തനം നടത്താനാണ് തീരുമാനമെന്നും അതിനായി സിപിഐഎമ്മിനോട് യോജിച്ച് പ്രവർത്തിക്കാൻ ആഗ്രഹിക്കുന്നെന്നും കെ.പി അനിൽ കുമാർ വ്യക്തമാക്കി.
Story Highlights: Great reception for K.P Anilkumar at the CPI(M)
