ന്യൂഡൽഹി : രാഹുൽ ഗാന്ധിയെ കോൺഗ്രസ് അധ്യക്ഷനാക്കണമെന്നാവശ്യപ്പെട്ട് ഞായറാഴ്ച കോൺഗ്രസിന്റെ വിദ്യാർഥി സംഘടനയായ എൻഎസ്‍യുഐ പ്രമേയം പാസാക്കി. സംഘടനയുടെ ഭാവികാല പ്രവർത്തനങ്ങളെക്കുറിച്ച് ചർച്ച ചെയ്യാൻ ചേർന്ന ദേശീയ എക്സിക്യൂട്ടീവ് യോഗത്തിന്റെ അവസാന ദിവസമാണ് ഇങ്ങനെയൊരു നീക്കം ഉണ്ടായത്. രാഹുൽ ഗാന്ധിയുടെ മേൽനോട്ടത്തിൽ കീഴിൽ വിദ്യാർഥികൾക്കു തങ്ങൾ സുരക്ഷിതരാണെന്ന തോന്നലുണ്ടെന്നും പ്രമേയത്തിൽ വ്യക്തമാക്കിയിട്ടുണ്ട്.
രാഹുൽ ഗാന്ധിയുടെ നേതൃത്വമികവിൽ വിശ്വസിക്കുന്നു.രാഹുലിന്റെ നേതൃത്വത്തിന് കീഴിൽ രാജ്യം സുസ്ഥിരവും സമാധാനപൂർണവുമായ സമൂഹമായി ഉയരുമെന്നു കരുതുന്നുവെന്നും സംഘടന ചൂണ്ടിക്കാട്ടി. സ്വാതന്ത്ര്യത്തിന്റെ 75–ാം വാർഷികം രാജ്യമെമ്പാടും ആചരിക്കുന്നതിനും വിദ്യാർത്ഥി സംഘടന തീരുമാനിച്ചിട്ടുണ്ട്‌.
Story highlight : NSUI passes resolution for make Rahul Gandhi as Congress president.
