ഗ്വാളിയോറില്‍ മദ്യലഹരിയില്‍ സൈനിക വാഹനം ആക്രമിച്ച് 22 കാരിയായ മോഡൽ. ബുധനാഴ്ച രാത്രിയാണ് സംഭവം നടന്നത്.മദ്യലഹരിയില്‍ റോഡില്‍ തർക്കമുണ്ടാക്കിയ മോഡല്‍ സൈനിക വാഹനത്തെ തടഞ്ഞുനിര്‍ത്തി ആക്രമിക്കുകയായിരുന്നുവെന്നാണ് പോലീസ് വ്യക്തമാക്കുന്നത്.
സാമൂഹിക മാധ്യമങ്ങളില്‍ സംഭവത്തിന്‍റെ വീഡിയോ വൈറലായിക്കഴിഞ്ഞു. യുവതി സൈനിക വാഹനത്തില്‍ നിരന്തരം ചവിട്ടുന്നതും ഹെഡ് ലൈറ്റ് നശിപ്പിക്കുന്നതും വീഡിയോയില്‍ കാണാൻ സാധിക്കും. ഇത് ചോദ്യം ചെയ്തെത്തിയ ഉദ്യോഗസ്ഥനെ മോഡല്‍ തള്ളിമാറ്റുന്നതായും കാണാം. പെൺകുട്ടിയെ പടാവ് പോലീസ് അറസ്റ്റ് ചെയ്തു.
An allegedly drunk 22-year-old model attacked an Army vehicle and created a ruckus in Gwalior on Wednesday night, Police said here on Thursday. the model, who came from Delhi allegedly created a ruckus on the road under the influence of alcohol and stopped Army Vehicle. #gwalior pic.twitter.com/dFUZgwkL5p
— Krrish Rajpurohit :flag-in: (@EimKrrish) September 9, 2021
ഡല്‍ഹിയില്‍ നിന്നും ഗ്വാളിയോറിലെത്തിയ മൂന്ന് പെണ്‍കുട്ടികളില്‍ ഒരാളാണിതെന്ന് നാട്ടുകാര്‍ അറിയിച്ചു. ആര്‍മിയുടെ ഭാഗത്തുനിന്നും ഇതുവരെയും പരാതി ലഭിച്ചിട്ടില്ല. പെണ്‍കുട്ടിയുടെ വൈദ്യപരിശോധനാ ഫലം റിപ്പോർട്ട്‌ ചെയ്തിട്ടുണ്ട്. ഇതിന്റെ അടിസ്ഥാനത്തിൽ തുടർ നടപടികൾ സ്വീകരിക്കുമെന്നും പോലീസ് വ്യക്തമാക്കി.
കസ്റ്റഡിയിലെടുത്ത പെണ്‍കുട്ടിയെ വിട്ടയക്കണമെന്ന് ആവശ്യപ്പെട്ടു മറ്റു 2 പേർ പോലീസ് സ്റ്റേഷനില്‍ എത്തിയതിനെ തുടര്‍ന്ന് മോഡലിനെ ജാമ്യത്തില്‍ വിട്ടു.
Story highlight : drunk model damages army vehicle in Gwalior .
