സംസ്ഥാനത്തെ കോവിഡ് സംബന്ധിച്ച കണക്കുകളും മറ്റു വിഷയങ്ങളും മുഖ്യമന്ത്രി വാർത്താസമ്മേളനത്തിലൂടെ ജനങ്ങളിലേക്ക് എത്തിച്ചിരുന്നു. എന്നാൽ നിയമസഭാ സമ്മേളനം ആരംഭിച്ചതോടെ താൽക്കാലികമായി വാർത്താസമ്മേളനം നിർത്തിവെച്ചു.
നിയമസഭാ സമ്മേളനം അവസാനിച്ചിട്ടും മുഖ്യമന്ത്രി വാർത്താ സമ്മേളനത്തിന് ഇടവേള നൽകിയിരുന്നു. കുറച്ചു നാൾക്കു ശേഷം വീണ്ടും പതിവുപോലെ 6 മണിക്ക് മുഖ്യമന്ത്രി പിണറായി വിജയൻ മാധ്യമങ്ങളെ കാണും.
കോവിഡ് വ്യാപന സാഹചര്യത്തിൽ വിമർശനങ്ങൾ നിലനിൽക്കെ മുഖ്യമന്ത്രിയുടെ വാർത്താസമ്മേളനം ശ്രദ്ധേയമാണ്. കോവിഡ് അവലോകനയോഗത്തിലെ തീരുമാനങ്ങളും വാർത്താ സമ്മേളനത്തിലൂടെ അറിയിച്ചേക്കും.
സംസ്ഥാനത്ത് കോവിഡ് കണക്കുകൾ കുറയുമ്പോൾ മാത്രം മാധ്യമങ്ങൾക്ക് മുന്നിൽ എത്തി ക്രെഡിറ്റ് ഏറ്റെടുക്കുകയും പിന്നീട് ഒളിച്ചോടുകയും ചെയ്യുന്നുവെന്ന് ബിജെപിയും പ്രതിപക്ഷവും ആരോപിച്ചിരുന്നു. അതേസമയം കേന്ദ്ര ആരോഗ്യ മന്ത്രാലയം കേരളത്തിന് കർശന നിർദ്ദേശങ്ങൾ നൽകി കത്തയച്ചു. രാജ്യത്തെ റിപ്പോർട്ട് ചെയ്യുന്നതിൽ 70 ശതമാനം കേസുകളും കേരളത്തിൽ നിന്നാണ്.
Story Highlights: CM Pinarayi Vijayan press meet at 6pm
