രാജ്യത്തെ ജനങ്ങൾക്ക് ജുഡീഷ്യറിയിലുള്ള വിശ്വാസം തകരാതെ സംരക്ഷിക്കുമെന്ന് നിയുക്ത സുപ്രീം കോടതി ജഡ്ജി സി.ടി രവികുമാർ. ഹൈക്കോടതിയിലെ യാത്രയയപ്പ് ചടങ്ങിൽ സംസാരിക്കുകയായിരുന്നു അദ്ദേഹം.
തന്റെ മറുപടി പ്രസംഗത്തിൽ ജീവിതത്തിലെ വഴികാട്ടികളായ ഗുരുക്കന്മാരെയും സഹപ്രവർത്തകരെയും മാതാപിതാക്കളെയും ഓർത്ത് അദ്ദേഹം വിതുമ്പി. കെ.ഒ തേവൻ, സരസ്വതി ദമ്പതികളുടെ മകനാണ് ജസ്റ്റിസ് സി.ടി രവികുമാർ പരേതരായ ഇരുവരുടെയും മൂത്ത സഹോദരിയുടെയും ഓർമ്മകളിൽ വാക്കിടറുകറുകയും ഇവരുടെയെല്ലാം അനുഗ്രഹം തന്നോടൊപ്പം ഉണ്ടെന്ന് പറയുകയും ചെയ്തു.
2009ലാണ് ഹൈക്കോടതി ജഡ്ജിയായി ചുമതലയേറ്റത്. അന്നും ജുഡീഷ്യറിയിലെ ജനങ്ങളുടെ വിശ്വാസം തകർക്കാതെ സംരക്ഷിക്കുമെന്ന് ഉറപ്പു നൽകിയിരുന്നു. ജസ്റ്റിസ് എസ് മണികുമാറാണ് ഫുൾകോർട്ട് ചടങ്ങിൽ അധ്യക്ഷത വഹിച്ചത്.
Story Highlights: Justice CT Ravikumar bids farewell to Kerala Highcourt.
