എൽഡിഎഫ് ഭരിക്കുന്ന ഇടുക്കി സഹകരണ ബാങ്കിനെതിരെ ആരോപണവുമായി സിപിഐ.

എൽഡിഎഫ് ഭരണത്തിലുള്ള ഇടുക്കി ചിന്നക്കനാൽ സഹകരണ ബാങ്കിനെതിരെ സിപിഐയുടെ ആരോപണം. വ്യാജ പട്ടയത്തിൽ ലോൺ കൊടുത്തെന്നാണ് സിപിഐ പറയുന്നത്.

വാണിജ്യാടിസ്ഥാനത്തിൽ നിർമ്മാണത്തിന് അനുമതി ഇല്ലാത്ത സ്ഥലങ്ങളിൽ കെട്ടിടങ്ങൾ നിർമ്മിച്ചവർക്കും ബാങ്ക് ലോൺ കൊടുത്തതായിട്ടാണ് ആരോപണം. സംഭവത്തിൽ വിജിലൻസിന് പരാതി നൽകിയിട്ടുണ്ട്. 

സഹകരണ ബാങ്കിന്റെ വികസനത്തിനായി സാധനസാമഗ്രികൾ സംബന്ധിച്ചും അഴിമതി നടന്നിട്ടുള്ളതായി സിപിഐ മെമ്പർമാർ ആരോപിക്കുന്നു. വിഷയത്തിൽ സഹകരണ മന്ത്രിക്കും ജില്ലാ കളക്ടർക്ക് പരാതി നൽകിയിട്ടുണ്ട്.

Story Highlights: Allegations on Idukki service co-operative Bank.