ബോബി ചെമ്മണ്ണൂർ അഭിനയിച്ച ‘ഓണക്കാലം ഓമനക്കാലം’ എന്ന ഓണപ്പാട്ട് സമൂഹമാധ്യമങ്ങളിൽ വൈറലായി. ഗുഡ്‌വിൽ എന്റർടൈൻമെൻസിന്റെ ബാനറിൽ ജോബി ജോർജാണ് ഗാനം നിർമ്മിച്ചത്.
‘കർക്കിടകം കഴിഞ്ഞാൽ പിന്നെ നല്ലൊരു ഓണക്കാലം വരും’ എന്ന് ജനാർദ്ദനൻ പുതുശ്ശേരിയുടെ വരികൾക്ക് നൃത്തചുവടുകളുമായാണ് ബോബി ചെമ്മണ്ണൂർ എത്തിയത്. വളരെ ചുരുങ്ങിയ സമയം കൊണ്ട് വീഡിയോ വൈറലാവുകയായിരുന്നു.
വേഷധാരണത്തിലും ബോബി ചെമ്മണ്ണൂർ വ്യത്യസ്തത പുലർത്തിയിട്ടുണ്ട്. സാധാരണയിൽ നിന്നും വ്യത്യസ്തമായി വെള്ളയ്ക്ക് പകരം കറുത്ത ഡിസൈനർ വസ്ത്രമാണ് ധരിച്ചത്. വ്യായാമത്തിനു സമാനമായതും വ്യത്യസ്തവുമായ നൃത്തച്ചുവടുകൾ കൂടാതെ ആയോധനമുറകളും ഇദ്ദേഹം വീഡിയോയിൽ അവതരിപ്പിച്ചിട്ടുണ്ട്.
ഷാരൂഖ് ഖാൻ, കെന്നഡി ജോസഫ്,ഭാസ്കർ അരവിന്ദ്, അബു നജ്മു എന്നിവരാണ് സഹ സംവിധായകർ. ശിഹാബ് ഓങ്ങല്ലൂർ, ഫവാസ് മുഹമ്മദ്, ടിജോ ജോസ്, ജംഷീർ, ഷജിൽ ഒബ്സ്ക്യൂറ എന്നിവരാണ് ചായാഗ്രഹണം നിർവഹിച്ചിരിക്കുന്നത്.
Story Highlights: Boby Chemmanur’s Viral Onappattu.
