കൊല്ലം: കേരളപുരത്ത് യുവാവിനെ വീട്ടിൽ കയറി വെട്ടിക്കൊലപ്പെടുത്തി. കോട്ടവിള ജംഗ്ഷനിൽ കോട്ടൂർ വീട്ടിൽ സുനിൽകുമാറി(39)നെയാണ് കൊല്ലപ്പെടുത്തിയത്. ഇന്നലെ രാത്രിയായിരുന്നു സംഭവം നടന്നത്. നിലവില്‍ പ്രതികളെ കുറിച്ച് വിവരങ്ങളൊന്നും ലഭിച്ചിട്ടില്ല.
ഭാര്യയുമായി പിണങ്ങിയ സുനിൽകുമാർ ഒറ്റയ്ക്കാണ് താമസിച്ചിരുന്നത്. രാത്രി സുനില്‍ കുമാറിന്റെ വീട്ടില്‍ നിന്നും ശബ്ദം കേട്ടതിനെ തുടർന്ന് അയല്‍വാസികള്‍ ഓടിയെത്തുകയായിരുന്നു. വീടിനുള്ളിൽ നിന്നും നാലുപേർ ഇറങ്ങി ഓടുന്നത് കണ്ടുവെങ്കിലും ഇവർ ആരാണെന്ന് വ്യക്തമായില്ലെന്ന് അയൽവാസികൾ പറയുന്നു.
ശേഷം വീടിനുള്ളില്‍ കയറി നോക്കിയപ്പോള്‍ വെട്ടേറ്റ നിലയിലായിരുന്നു സുനില്‍കുമാര്‍. പൊലീസിനെ ഉടൻ തന്നെ വിവരമറിയിച്ചു. സുനില്‍ കുമാറിന്റെ കഴുത്തിലാണ് വെട്ടേറ്റത്. ആശുപത്രിയിലെത്തിച്ചെങ്കിലും മരണപ്പെടുകയായിരുന്നു.
Story highlight: Man killed by anonymous.
