ഉത്തർപ്രദേശിലെ കാൻപുറിൽ 19കാരിയായ പ്രൈവറ്റ് സെക്രട്ടറിയെ ഫ്ളാറ്റിലെത്തിച്ച് ബലാത്സംഗം ചെയ്ത ശേഷം പത്താം നിലയിൽ നിന്ന് താഴേക്ക് തള്ളിയിട്ട് കൊലപ്പെടുത്തിയ തൊഴിലുടമ അറസ്റ്റിൽ. അപകടമരണമാണെന്ന് പോലീസിനു മുന്നിൽ വരുത്തിതീർക്കാൻ ശ്രമിച്ച ശേഷമാണ് ഇയാൾ കുറ്റസമ്മതം നടത്തിയത്.
കാൻപുറിൽ ഒരു ഡയറി ഫാം ഉടമയായ ഇയാൾ തന്റെ പ്രൈവറ്റ് സെക്രട്ടറിയായ യുവതിയുടെ ജോലിയുമായി ബന്ധപ്പെട്ട പേപ്പറുകൾ നോക്കാനുണ്ടെന്ന് പറഞ്ഞ് കല്യാണ്പുറിലെ ഇയാളുടെ ഫ്ളാറ്റിലേക്ക് യുവതിയെ എത്തിക്കുകയായിരുന്നു. തുടർന്ന് ഇയാൾ യുവതിയോട് തനിക്ക് വഴങ്ങണമെന്നും പണം നൽകാമെന്നും പറഞ്ഞുവെങ്കിലും യുവതി തയ്യാറായില്ല.ഇതോടെ 19കാരിയെ ഇയാൾ ഫ്ളാറ്റിനുള്ളിൽ വെച്ച് ബലാത്സംഗം ചെയ്യുകയായിരുന്നു.
എന്നാൽ തനിക്കുണ്ടായ അപമാനം മറ്റുള്ളവരെ അറിയിക്കുമെന്നും പോലീസിൽ പരാതിപ്പെടുമെന്നും യുവതി പറഞ്ഞതോടെ പ്രതി യുവതിയെ മർദ്ദിച്ച് അവശയാക്കിയ ശേഷം ഫ്ളാറ്റിന്റെ പത്താം നിലയിൽ നിന്നും തള്ളിയിടുകയായിരുന്നു.ചോദ്യം ചെയ്യലിൽ പ്രതി കുറ്റം സമ്മതിക്കുകയായിരുന്നുവെന്ന് ഡെപ്യൂട്ടി പോലീസ് കമ്മിഷണർ പറഞ്ഞു. മജിസ്ട്രേറ്റിന് മുന്നിൽ ഹാജരാക്കിയ ശേഷം പ്രതിയെ ജുഡീഷ്യൽ കസ്റ്റഡിക്ക് വിട്ടു.
Story highlight : 19 year old girl raped and killed by employer in Uttar Pradesh.
