പെരിങ്ങോട്ട് കുറിശ്ശി ഭാരതപ്പുഴയിലെ ഞാവളം കടവിൽ വിദ്യാർഥി മുങ്ങി മരിച്ചു.
വൈകീട്ട് 3:30 ഓടെ കൂട്ടുകാരനോടൊപ്പം പുഴ കടവിലെത്തിയ മുഹമ്മദ് അസീസിൻറെ മകൻ അൻസിൽ (18)ആണ് കാൽ വഴുതി വീണ് മുങ്ങിമരിച്ചത്.
സംഭവം നടന്ന ഉടൻ തന്നെ ഫയർഫോഴ്സും നാട്ടുകാരും ചേർന്ന് നടത്തിയ തിരച്ചിലിൽ വൈകിട്ട് ആറരയോടെയാണ് മൃതദേഹം കണ്ടെത്തിയത്.
ശക്തമായ മഴ തുടരുന്ന സാഹചര്യത്തിൽ പുഴയിലെ നീരൊഴുക്ക് കൂടുതലാണ്.അടുത്ത മൂന്ന് മണിക്കൂറിൽ സംസ്ഥാനത്ത് മഴ തുടരുമെന്നാണ് കാലാവസ്ഥാ നിരീക്ഷണ കേന്ദ്രം അറിയിക്കുന്നത്.
മഴയോടൊപ്പം ഇടിമിന്നലിനും കാറ്റിനും സാധ്യതയുണ്ട്.കണ്ണൂർ ,കോഴിക്കോട്, വയനാട് ,മലപ്പുറം ,പാലക്കാട്, ഇടുക്കി ,കോട്ടയം, പത്തനംതിട്ട എന്നീ എട്ട് ജില്ലകളിൽ ഓറഞ്ച് അലർട്ടും മറ്റു ജില്ലകളിൽ യെല്ലോ അലർട്ടും പ്രഖ്യാപിച്ചിരിക്കുകയാണ്.
Story highlight : 18 years old boy drowned in Bharathappuzha.
